പ്രവാസി അധ്യാപകനിയമനത്തിനുള്ള നിയമ നിര്ദേശങ്ങള് പുറത്തിറിക്കി കുവൈത്ത്. സിവിൽ സർവീസ് കമീഷൻ ആണ് രാജ്യത്ത് പ്രവാസി അധ്യാപകരെ നിയമിക്കുന്നതിനുള്ള നിയമ നിര്ദേശങ്ങള് പുറത്തിറക്കിയത്. സര്ക്കാര് സ്കൂളുകളില് വിദേശ അധ്യാപകരെ നിയമിക്കുന്നതിനുള്ള മാര്ഗ നിര്ദേശങ്ങളാണ് ഇവ. പ്രവാസി അധ്യാപക നിയമനത്തിന് മിനിമം അക്കാദമിക് യോഗ്യതക്ക് പുറമേ സ്വഭാവ സര്ട്ടിഫിക്കറ്റും ഹാജരാക്കണം.അതോടൊപ്പം രാജ്യത്തിന് പുറത്തുള്ള അക്കാദമിക് യോഗ്യതകള് വിദേശകാര്യ മന്ത്രാലയത്തില് നിന്നും അറ്റസ്റ്റ് ചെയ്യണമെന്നും സിവിൽ സർവിസ് കമീഷൻ നിര്ദേശിച്ചു. യോഗ്യരായ സ്വദേശികളുടെ കുറവ് അനുഭവപ്പെടുന്ന വിഷയങ്ങളില് വിദേശ അധ്യാപകരെ നിലനിര്ത്തുമെന്ന് വിദ്യാഭ്യാസ മന്ത്രാലയം നേരത്തേ വ്യക്തമാക്കിയിരുന്നു.
പ്രവാസി അധ്യാപക നിയമനം; പുതിയ നിയമനിർദേശങ്ങൾ പുറത്തിറക്കി കുവൈത്ത്
RELATED ARTICLES