ചാരിറ്റി ബോക്സില് നിന്നും പണം അടിച്ചുമാറ്റുന്ന പതിനേഴുകാരന് ഷാര്ജ പോലീസിന്റെ പിടിയിലായി. അറബ് വംശജനായ യുവാവ് ബോക്സില് നിന്നും പണം എടുക്കാന് ശ്രമിക്കുന്നത് ശ്രദ്ധയില്പ്പെട്ട പള്ളിയിലെ ക്ലീനിംങ് തൊഴിലാളി ചിത്രങ്ങള് മോബൈല് ഫോണില് പകര്ത്തുകയായിരുന്നു. ഷാര്ജ നബ്ബ ഏരിയയില് ഉച്ചയ്ക്കുള്ള നമസ്കാരത്തിനു ശേഷമായിരുന്നു സംഭവം. പ്ലാസിറ്റിക് വയറുകളും തുണിയും ബോക്സില് നിന്നും പണം പുറത്തേക്ക് എടുക്കുവാനുള്ള സാധനങ്ങളും ഇയാളില് നിന്നും കണ്ടെടുത്തു. ഷാര്ജ കോഓപ്പറേറ്റീവ് സൊസൈറ്റിയുടെ ബോക്സില് നിന്നും 250 ദിര്ഹമാണ് ഇയാള് മോഷ്ടിച്ചത്. കോടതിയില് ഹാജരാക്കിയ ഇയാളെ കോടതി പോലീസ് കസ്റ്റഡിയില് വിട്ടു.
കൂടുതൽ വാർത്തകൾക്കായി സന്ദർശിക്കൂ: