2022 ൽ അബുദാബിയിൽ നടന്ന ഗ്ലോബൽ മീഡിയ കോൺഗ്രസിന്റെ (ജിഎംസി) ആദ്യ പതിപ്പിന്റെ വിജയത്തെ ഗൾഫ് സഹകരണ കൗൺസിൽ (ജിസിസി) വാർത്താ ഏജൻസികൾ പ്രശംസിച്ചു. എമിറേറ്റ്‌സ് ന്യൂസ് ഏജൻസിയെ (വാം) പ്രതിനിധീകരിച്ച് വാമിന്റെ ആക്ടിംഗ് ഡെപ്യൂട്ടി ഡയറക്ടർ ജനറലും കമ്മ്യൂണിക്കേഷൻ ആൻഡ് ഇന്റർനാഷണൽ റിലേഷൻസ് ഡയറക്ടറുമായ അലി അൽ സാദ് പങ്കെടുത്ത 22-ാമത് വെർച്വൽ യോഗത്തിലാണ് ഇക്കാര്യം പറഞ്ഞത്.
നവംബർ 14 മുതൽ 16 വരെ അബുദാബി നാഷണൽ എക്‌സിബിഷൻ സെന്ററിൽ നടക്കുന്ന ജിഎംസി 2023-ൽ സംയുക്ത ജിസിസി പവലിയനിൽ പങ്കെടുക്കാനുള്ള യുഎഇയുടെ വാഗ്ദാനം യോഗം പരിഗണിച്ചു. യോഗത്തിൽ, ജിസിസി പ്രദേശങ്ങളിൽ നിന്നുള്ള ഔദ്യോഗിക വാർത്തകൾ ആക്സസ് ചെയ്യാൻ ജിസിസി പൗരന്മാരെ പ്രാപ്തരാക്കുന്ന വാർത്താ ഏജൻസികൾക്കായുള്ള ആപ് നിർമ്മിക്കാൻ മാധ്യമ മേധാവികൾ അംഗീകാരം നൽകി. മേഖലയിലെ വിവിധ റേഡിയോ, ടിവി ചാനലുകളുടെ തത്സമയ സ്ട്രീമുകളും ചിത്രങ്ങളുടെയും വീഡിയോകളുടെയും ആർക്കൈവുകളും ആപ്പ് അവതരിപ്പിക്കും.
ജിസിസി വാർത്താ ഏജൻസികൾ തമ്മിലുള്ള സഹകരണവും ഏകോപനവും മെച്ചപ്പെടുത്തുന്നതിനും ആപ്പുമായി ബന്ധപ്പെട്ട ശുപാർശകൾ നടപ്പിലാക്കുന്നതിനുമായി ഒരു സാങ്കേതിക മീഡിയ കമ്മിറ്റി രൂപീകരിക്കാനും യോഗത്തിൽ പങ്കെടുത്തവർ സമ്മതിച്ചു. യോഗത്തിന്റെ അജണ്ടയിലെ വിവിധ വിഷയങ്ങളും പങ്കെടുത്തവർ ചർച്ച ചെയ്തു.
കടപ്പാട്: www.wam.ae
