മലയാള സിനിമയില്‍ നിന്ന് താൻ ഇടവേളയെടുക്കാൻ ഉണ്ടായ കാരണവും, ചിരിക്കാത്ത കഥാപാത്രങ്ങള്‍ തെരഞ്ഞെടുക്കാൻ ഉണ്ടായ സാഹചര്യവും വ്യക്തമാക്കി നടി നിമിഷ സജയൻ. മലയാളത്തിന് പുറമെ തമിഴിലും ഇപ്പോള്‍ ബോളിവുഡിലും അഭിനയിക്കുന്ന താരം ഒരു മാധ്യമത്തിന് നല്‍കിയ അഭിമുഖത്തിലാണ് വെളിപ്പെടുത്തല്‍ നടത്തിയത്. ചിയര്‍ഫുള്‍ ആയുള്ള കഥാപാത്രങ്ങളുള്ള തിരക്കഥ വായിക്കുമ്ബോള്‍ എനിക്ക് അവയ്ക്ക് ആഴമില്ലെന്ന് തോന്നാറുണ്ട്. പക്ഷെ അതിനര്‍ത്ഥം ഞാന്‍ ഫണ്‍ ആയിട്ടുള്ള കഥാപാത്രങ്ങള്‍ ചെയ്തിട്ടില്ല എന്നതല്ല. ഒരു തെക്കന്‍ തല്ലു കേസിലെ വാസന്തി ഫണ്‍ ആയിട്ടുള്ള കഥാപാത്രമായിരുന്നു.
ലാല്‍ ജോസ് സാറിന്റെ 41 ലും അത്തരത്തിലൊരു വേഷമായിരുന്നു. പക്ഷെ എന്തുകൊണ്ടോ എല്ലായിപ്പോഴും അത്തരം കഥാപാത്രങ്ങള്‍ക്ക് ആഴമുള്ളതായി എനിക്ക് തോന്നിയിട്ടില്ല. അതിനാല്‍ എനിക്ക് ക്രിയേറ്റീവ് സാറ്റിസ്ഫാക്ഷന്‍ നഷ്ടപ്പെടുമെന്ന് തോന്നും. അതേസമയം, നായാട്ടും ദ ഗ്രേറ്റ് ഇന്ത്യന്‍ കിച്ചണും പോലുള്ള സിനിമകള്‍ ചെയ്യുമ്ബോള്‍ എനിക്ക് ഒരു കലാകാരിയെന്ന നിലയില്‍ സംതൃപ്തി അനുഭവപ്പെടാറുണ്ട്. ഞാന്‍ ഇല്ലാത്ത കഥാപാത്രങ്ങള്‍ ചെയ്യുമ്ബോഴാണ് എനിക്ക് സംതൃപ്തി ലഭിക്കുന്നത്.
ഞാന്‍ മാലിക്കും നായാട്ടും ദ ഗ്രേറ്റ് ഇന്ത്യന്‍ കിച്ചണും ചെയ്തത് ഒരേ വര്‍ഷമാണ്. അതില്‍ ഞാന്‍ വ്യത്യസ്തമായ കഥാപാത്രങ്ങളെയാണ് അവതരിപ്പിച്ചത്. അവയെല്ലാം ബോള്‍ഡ് ആയിരുന്നു. പക്ഷെ ആ ബോള്‍ഡ്‌നെസിലെല്ലാം വ്യത്യസ്തയും ഉണ്ടായിരുന്നു. എനിക്ക് എങ്ങനെയാണ് ഈ വേഷങ്ങളോട് നോ പറയാന്‍ സാധിക്കുക? ഒരു അഭിനേതാവ് എന്ന നിലയില്‍ എന്റെ കഥാപാത്രം ചിരിക്കുന്നില്ലെന്ന് കരുതി എനിക്ക് അവ നിരസിക്കാനാകില്ല.
ഞാന്‍ മലയാളത്തില്‍ സിനിമകള്‍ ചെയ്യാത്തത് ഇവിടെ ഞാന്‍ ചെയ്യാന്‍ ആഗ്രഹിക്കുന്ന തരത്തിലുള്ള കഥാപാത്രങ്ങള്‍ ലഭിക്കാത്തതിനാലാണ്. എന്നാല്‍ മറ്റ് ഭാഷകളില്‍ അത് സംഭവിക്കുന്നുണ്ട്. ഭാഷയല്ല, കഥാപാത്രമാണ് പ്രധാനം. നിമിഷ പറയുന്നു
