ദോഹ: ഗൾഫിൽ കുട്ടികളിലെ പ്രമേഹരോഗം വര്ധിച്ചു വരുന്നതായി റിപ്പോര്ട്ടുകള്. ദോഹയിലെ ഹമദ് മെഡിക്കല് കോര്പ്പറേഷനില് മാത്രം ഇതിനകം പ്രമേഹത്തിന് ചികിത്സ തേടിയത് 1200 കുട്ടികളാണ്. പ്രമേഹരോഗികളായ കുട്ടികളുടെ അറബ് മേഖലയിലെ വര്ധിച്ച നിരക്കാണ് ഖത്തറില് റിപ്പോര്ട്ട് ചെയ്യപ്പെട്ടത്. പ്രമേഹ ചികിത്സക്ക് മാത്രമായി പ്രത്യേക വിഭാഗം തന്നെ ഹമദ് ആശുപത്രിക്ക് കീഴില് പ്രവര്ത്തിക്കുന്നുണ്ട്. ശരീരത്തിലെ ഇന്സുലിന്റെ അളവ് ഗണ്യമായി കുറയുന്ന അവസ്ഥയില് ഉണ്ടാകുന്ന ശാരീരിക പ്രയാസങ്ങളുമായാണ് രോഗികള് ചികിത്സക്കെത്തുന്നത്. പ്രവാസികളായ കുട്ടികളിലും പൊണ്ണത്തടിയും പ്രമേഹവും കൂടുതലായി റിപ്പോര്ട്ട് ചെയ്യപ്പെടുന്നുണ്ട്. മരുന്നുകള്ക്ക് പുറമെ ജീവിത ശൈലിയില് മാറ്റം വരുത്തിയാല് മാത്രമേ കുട്ടികളിലെ പ്രമേഹനിരക്ക് വര്ധിച്ചുവരുന്നതിനെ തടയാനാവൂ എന്നാണ് വിദഗ്ധര് അഭിപ്രായപ്പെടുന്നത്. ഖത്തറിലെ രോഗികളുടെ എണ്ണം ക്രമാതീതമായി വര്ധിക്കുന്നത് ആശങ്ക വളര്ത്തുന്നതാണെന്ന് ഹമദ് പ്രമേഹ രോഗ ചികിത്സാ കേന്ദ്രം വ്യക്തമാക്കി.
പ്രമേഹം നിയന്ത്രിക്കാൻ ഇവ ചെയ്യാം
1.മുടങ്ങാതെയുള്ള രക്ത പരിശോധന
രക്തത്തിലെ ഗ്ലൂക്കോസിന്റെ അളവ് രോഗം നിര്ണയിക്കുന്നതില് നിര്ണായകമാണ്. ഈ അളവ് കൂടുതലായാലും നന്നേ കുറവായാലും അപകടകരമാണ്. ഭക്ഷണത്തിന് മുന്പുള്ള ഗ്ലൂക്കോസ്നില 80ല് കുറയരുത്. ഇത് തലച്ചോറിന്റെ പ്രവര്ത്തനത്തെവരെ ബാധിക്കും. തീരേ ഊര്ജമില്ലാതെ തോന്നുക, കൈകാലുകളുടെ പേശികള്ക്ക് തളര്ച്ച, വിയര്പ്പ്, ബോധം നഷ്ടപ്പെടുക ഇവ ഹൈപ്പോഗ്ലൈസീമിയ എന്ന ഈ അവസ്ഥയുടെ ലക്ഷണങ്ങളാണ്.രക്തത്തിലെ ഗ്ലൂക്കോസിന്റെ അളവ് 120ല് കൂടിയാല് ഹൈപ്പര്ഗ്ലൈസീമിയ എന്ന അവസ്ഥയുണ്ടാകാം. ഇത് നീണ്ടുനിന്നാല് വൃക്കകള്, കണ്ണ്, നാഡികള് ഇവയുടെ പ്രവര്ത്തനം തടസ്സപ്പെടും.
2. ഹീമോഗ്ലോബിന് പരിശോധന
വര്ഷത്തില് രണ്ടുതവണയെങ്കിലും ഹീമോഗ്ലോബിന് അളവ്(ഒയഅ1ര) പരിശോധിക്കണം. രക്തത്തിലെ ഗ്ലൂക്കോസിന്റെ അളവ് എല്ലായിപ്പോഴും ആരോഗ്യകരമായ അളവിലാണോ എന്നറിയാനാണ് ഈ പരിശോധന. ഈ അളവ് 7ല് കുറഞ്ഞിരിക്കണം.
3. പതിവായും സമയത്തിനും മരുന്ന്
കൃത്യസമയത്ത് മറക്കാതെ മരുന്നുകഴിക്കുകയാണ് പ്രമേഹരോഗികള് ചെയ്യേണ്ട പ്രധാന കാര്യം. ഒരു നേരത്തെ ഗുളിക കഴിക്കാന് മറന്നുപോയാല് അടുത്ത തവണ രണ്ടെണ്ണം ഒന്നിച്ചുകഴിക്കുന്നവരുണ്ട്. ഇത് ഗുണകരമല്ല. പ്രത്യേക എന്സൈമുകളുമായി പ്രത്യേക സമയത്ത് പ്രവര്ത്തിക്കേണ്ടവയാണ് പ്രമേഹ മരുന്നുകള്. ഇവ സമയംതെറ്റി കഴിക്കുന്നത് രോഗനിയന്ത്രണത്തെ പ്രതികൂലമായി ബാധിക്കും.
4.വൃക്കകളുടെ ആരോഗ്യം സംരക്ഷിക്കുക
പ്രമേഹം വേണ്ടരീതിയില് നിയന്ത്രിച്ചു നിര്ത്തിയില്ലെങ്കില് വൃക്കകളുടെ പ്രവര്ത്തനത്തെ അത് ബാധിക്കും. ഡോക്ടറുടെ നിര്ദേശാനുസരണമുള്ള ഭക്ഷണം കഴിക്കുകയും ധാരാളം വെള്ളം കുടിക്കുകയുമാണ് വേണ്ടത്. നാരുകളടങ്ങിയതും പൊട്ടാസിയവും മറ്റ് ധാതുക്കളടങ്ങിയതുമായ ഭക്ഷണം ശീലമാക്കണം. വൃക്കകളുടെ പ്രവര്ത്തനം നിരീക്ഷിക്കുന്ന പരിശോധനകളും(ലെൃൗാ മഹയൗാശി, രൃലമശേിശില ലേേെ) നടത്താവുന്നതാണ്.
5. കൊളസ്ട്രോള് അളവ് നിയന്ത്രിക്കുക
പ്രമേഹരോഗികള്ക്ക് ചീത്ത കൊളസ്ട്രോളി(ഘഉഘ)ന്റെ അളവ് കൂടാനുള്ള സാധ്യത ഏറെയാണ്. ഈ അവസ്ഥ ഹൃദയധമനികള്ക്ക് കട്ടികൂടാനും അതുവഴി ഹൃദ്രോഗമുണ്ടാകാനും ഇടവരുത്തും. മധുരം, വറുത്തതും പൊരിച്ചതുമായ സാധനങ്ങള് തുടങ്ങി കൊഴുപ്പ് കൂടിയ ഭക്ഷണ സാധനങ്ങള് ഒഴിവാക്കുകയാണ് പോം വഴി. പകരം മത്സ്യം, തവിടോടുകൂടിയ ധാന്യങ്ങള്, പച്ചക്കറികള് തുടങ്ങിയവ ശീലമാക്കണം.
6.ശരിയായ ക്രമത്തിലുള്ള ഭക്ഷണം
ഒറ്റയടിക്ക് കുറേയധികം ഭക്ഷണം പ്രമേഹരോഗികള്ക്ക് അശാസ്യമല്ല. മൂന്ന് നേരത്തെ പ്രധാന ഭക്ഷണത്തിനിടയില് രണ്ട്മൂന്ന് മണിക്കൂര് ഇടവിട്ട് ലഘുഭക്ഷണം കഴിക്കുന്നത് രക്തത്തിലെ ഗ്ലൂക്കോസിനെ നിയന്ത്രിക്കാന് സഹായിക്കും. മൈദപോലുള്ള സംസ്കരിച്ച ഭക്ഷ്യവസ്തുക്കള് ഒഴിവാക്കണം. ഓട്സ്, മുത്താറി, ഗോതമ്പ് ഇവയാകാം. ദിവസം 25ഗ്രാം നാര് എങ്കിലും ഭക്ഷണത്തിലൂടെ ഉള്ളിലെത്തണം. തോലുരിച്ച കോഴിയിറച്ചി, ചെറു മീനുകള്, മുട്ടയുടെ വെള്ള, അധികം കൊഴുപ്പടങ്ങാത്ത തൈര്, പാട നീക്കിയ പാല് ഇവ കഴിക്കണം. ഇലക്കറികള് ധാരാളമായി കഴിക്കാം.
7 .ഭാരം കുറയ്ക്കുക
ശരീരഭാരം കൂടുന്നത് ഇന്സുലിന്റെ പ്രവര്ത്തനത്തെ പ്രതികൂലമായി ബാധിക്കും. ബോഡി മാസ് ഇന്ഡക്സാണ് ആരോഗ്യകരമായ ഭാരം കണ്ടെത്താനുള്ള മാര്ഗം. കിലോഗ്രാമിലുള്ള ശരീരഭാരത്തെ മീറ്ററിലുള്ള ഉയരത്തിന്റെ പെരുക്കം(സ്ക്വയര് ) കൊണ്ട് ഹരിക്കണം. ഇങ്ങനെ കിട്ടുന്ന സംഖ്യ 18.5 ല് കുറയാനോ 25ല് പ്രമേഹം വരുന്നതിനുമുന്പുള്ള ശരീരഭാരത്തിന്റെ 10ശതമാനമെങ്കിലും കുറയ്ക്കുന്നത് ഏറെ ഗുണം ചെയ്യും.
പ്രമേഹരോഗം വരാൻ സാധ്യതയുണ്ടോ ? അറിഞ്ഞിരിക്കേണ്ട കാര്യങ്ങൾ !
പ്രമേഹത്തിന് മരുന്നു വേണ്ട ! വീഡിയോ കാണൂ
കലാപംമൂലം മുടങ്ങിയത് ജീവിത മോഹങ്ങൾ; ചെറുപ്പക്കാരുടെ കണ്ണീരില് കാഷ്മീര് വിറങ്ങലിക്കുന്നു
കൂടുതൽ വാർത്തകൾക്കായി സന്ദർശിക്കൂ: