വരാപ്പുഴയിലെ പടക്ക നിര്മ്മാണ ശാലയിലുണ്ടായ സ്ഫോടനത്തില് നിന്ന് താൻ രക്ഷപ്പെട്ടത് തലനാഴിഴയ്ക്കാണെന്ന് നടന് ധര്മജന് ബോള്ഗാട്ടി. വെറും രണ്ടു മിനിറ്റിന്റെ വ്യത്യാസത്തിലാണ് താൻ രക്ഷപെട്ടതെന്ന് താരം പറയുന്നു. താന് സ്ഥിരമായി ഇരിക്കുന്ന സ്ഥലമാണെന്നും സുഹൃത്തുക്കള് നടത്തുന്ന പടക്ക നിര്മാണ ശാലയാണ് സ്ഫോടനത്തില് തകര്ന്നതെന്നും നടന് മാദ്ധ്യമങ്ങളോട് പറഞ്ഞു. ‘എന്റെ വളരെയടുത്ത സുഹൃത്തിന്റെ ചേട്ടനും അനിയനും ചേര്ന്ന് നടത്തുന്ന കടയാണ് സ്ഫോടനത്തില് തകര്ന്നത്. ഞങ്ങള് എപ്പോഴും വന്നിരിക്കുന്ന സ്ഥലമാണ്. രണ്ട് മിനിറ്റിന്റെ വ്യത്യാസത്തിലാണ് ഞാന് രക്ഷപ്പെട്ടത്. ഇവിടുള്ള വെടിക്കെട്ടുകള് എല്ലാം നടത്തുന്ന ആള്ക്കാരാണ് ഇവര്. ലൈസന്സ് ഉള്ളവരാണ്. പക്ഷെ, ഇത്രയും ഇടുങ്ങിയ ഒരു സ്ഥലത്ത് പ്രവര്ത്തിക്കുന്നു എന്നതാണ് പ്രശ്നം. അവര് ഇവിടെ നിന്നും മാറാന് ഇരിക്കുകയായിരുന്നു. പാലക്കാട്ടേയ്ക്ക് മാറാന് ഇരുന്ന സമയത്താണ് ദുരന്തം ഉണ്ടായത്’ എന്ന് ധര്മ്മജന് പറഞ്ഞു. അതേസമയം, സ്ഫോടനമുണ്ടായത് അനധികൃത ശേഖരത്തില് നിന്നാണെന്ന് എറണാകുളം ജില്ലാ കളക്ടര് ഡോ. രേണു രാജ് പറഞ്ഞു
ജീവന്റെ വിലയുള്ള ആ 2 മിനിറ്റ്; നടൻ ധർമജൻ വരാപ്പുഴ സ്ഫോടനത്തില് നിന്ന് രക്ഷപ്പെട്ടത് തലനാരിഴയ്ക്ക് ! സംഭവത്തെക്കുറിച്ച് താരം പറയുന്നത്…..
RELATED ARTICLES