കൊച്ചിയില് പുതിയ ക്രിക്കറ്റ് സ്റ്റേഡിയം നിര്മിക്കാനുള്ള നിര്ദേശം കേരള ക്രിക്കറ്റ് അസോസിയേഷന്(കെസിഎ) സര്ക്കാരിന് മുന്നില് സമര്പ്പിച്ചു. തിരുവവന്തപുരം ഗ്രീന്ഫീല്ഡ് സ്റ്റേഡിയത്തില് നടക്കുന്ന കായിക ഉച്ചകോടിയിലാണ് കെ സി എ പ്രസിഡന്റ് ജയേഷ് ജോര്ജ് കൊച്ചിയിലെ പുതിയ ക്രിക്കറ്റ് സ്റ്റേഡിയത്തിനുള്ള നിര്ദേശം മുഖ്യമന്ത്രി പിണറായി വിജയന് സമര്പ്പിച്ചത്. കൊച്ചി സ്പോര്ട്സ് സിറ്റിക്ക് പുറമെ സംസ്ഥാനത്ത് കായിക മേഖലയില് ഉന്നത നിലവാരമുള്ള12 അടിസ്ഥാന സൗകര്യ വികസന പദ്ധതികള്ക്കായി 150 കോടി രൂപ നിക്ഷേപമുള്ള പദ്ധതികളും കെസിഎ സര്ക്കാരിന് മുമ്പാകെ സമര്പ്പിച്ചു.നെടുമ്പാശ്ശേരി വിമാനത്താവളത്തിന് സമീപം 40 ഏക്കറിലാണ് രാജ്യാന്തര ക്രിക്കറ്റ് സ്റ്റേഡിയം ഉൾക്കൊള്ളുന്ന സ്പോർട്സ് സിറ്റി നിർമിക്കാനൊരുങ്ങുന്നത്. 40,000 ഇരിപ്പിടങ്ങൾ, പരിശീലന ഗ്രൗണ്ട്, സ്പോർട്സ് അക്കാദമി, റിസർച്ച് സെന്റർ, ഇ-സ്പോർട്സ് അരീന, തുടങ്ങിയവ ഉള്ക്കൊള്ളുന്നതായിരിക്കും കൊച്ചിന് സ്പോര്ട്സ് സിറ്റി.
40000 പേർക്ക് ഇരിപ്പിടം, നിർമാണച്ചെലവ് 750 കോടി; കൊച്ചിയില് പുതിയ ക്രിക്കറ്റ് സ്റ്റേഡിയം നിര്മിക്കാൻ KCA
RELATED ARTICLES