കേരളത്തിൽ ചൂട് ക്രമാതീതമായി വര്ധിക്കുന്നു. ചൂട് കൂടിയതിനാല് വയറസുകളും ഫംഗസുകളും കൊതുകും വര്ധിക്കാന് സാധ്യതയുണ്ട്. പ്രതിരോധിക്കാന് ആരോഗ്യവകുപ്പ് പൂര്ണ സജ്ജമാണ്.
സൂര്യാതപത്തില് നിന്ന് രക്ഷനേടാന് കര്ശന നിര്ദേശങ്ങള് ദുരന്തനിവാരണ അതോറിറ്റി പുറപ്പെടുവിച്ചു. തൊഴിലാളികള് ഉള്പ്പടെ രാവിലെ 11 മുതല് വൈകിട്ട് മൂന്ന് വരെ നേരിട്ട് വെയിലേല്ക്കുന്നത് ഒഴിവാക്കണം. നിര്ജലീകരണം തടയാന് കുടിവെള്ളം എപ്പോഴും ഒരു ചെറിയ കുപ്പിയില് കയ്യില് കരുതണം. രോഗങ്ങള് ഉള്ളവര് മൂന്ന് മണിവരെയുള്ള സൂര്യപ്രകാശം ഏല്ക്കുന്നത് ഒഴിവാക്കുക. കാപ്പി, ചായ എന്നീ പാനീയങ്ങള് പകല് സമയത്ത് ഒഴിവാക്കി ശുദ്ധജലം കുടിക്കണം.
വിദ്യാര്ത്ഥികളുടെ പരീക്ഷാക്കാലമായതിനാല് സ്കൂള് അധികൃതരും രക്ഷിതാക്കളും പ്രത്യേക ശ്രദ്ധ പുലര്ത്തേണ്ടതാണ്. കുട്ടികളെ അവധി പ്രമാണിച്ച് വിനോദ സഞ്ചാരത്തിന് കൊണ്ടുപോകുന്നവര് കുട്ടികള്ക്ക് നേരിട്ട് ചൂട് ഏല്ക്കുന്നില്ല എന്ന് ഉറപ്പ് വരുത്തുക. തിരഞ്ഞെടുപ്പ് പ്രചാരണത്തിനിറങ്ങുന്നവരും നിര്ദേശങ്ങള് കര്ശനമായി പാലിക്കണമെന്നും കെ.കെ.ശൈലജ കൂത്തുപറമ്പില് പറഞ്ഞു.