പാര്ക്ക് ചെയ്തിരുന്ന ചരക്ക് ലോറിയുടെ ചക്രങ്ങള് മോഷ്ടാക്കള് കവര്ന്നു. കൊടുങ്ങല്ലൂര് ബൈപാസില് ആണ് സംഭവം. കേടുപാടുകള് സംഭവിച്ച മത്സ്യബന്ധന വലകള് കയറ്റിയ ലോറിയുടെ പത്ത് ചക്രങ്ങളില് പുതിയ രണ്ടെണ്ണമാണ് മോഷ്ടാക്കള് കൊണ്ടുപോയത്.
രാത്രിയിലാണ് മോഷണം നടന്നതെന്ന് കരുതുന്നു. ഈ സമയം ഡ്രൈവറും ക്ലീനും ലോറിയില് ഉറങ്ങുകയായിരുന്നു. 60,000 രൂപ വിലവരുന്ന ചക്രങ്ങളാണ് നഷ്ടപ്പെട്ടതെന്ന് ഡ്രൈവര് കൊടുങ്ങല്ലൂര് പൊലീസിന് നല്കിയ പരാതിയില് പറഞ്ഞു.
അഴീക്കോട് നിന്നും വല കയറ്റി ഗുജറാത്തിലേക്കുള്ള യാത്രക്കിടയില് തിങ്കളാഴ്ച വൈകീട്ട് കോട്ടപ്പുറം സിഗ്നല് സമീപം സര്വ്വീസ് റോഡിലാണ് ലോറി പാര്ക്ക് ചെയ്തീരുന്നത്.