രാജ്യമാകെയുള്ള സിനിമാപ്രേമികള്‍ പൃഥ്വിരാജ് നായകനായുള്ള ആടുജീവിതം എന്ന സിനിമയുടെ റിലീസിനായി കാത്തിരിക്കുകയാണ് ബെന്യാമിന്റെ ആടുജീവിതം എന്ന നോവലിലൂടെ മലയാളികള്‍ക്കെല്ലാം പരിചിതമായ കഥയാണ് സിനിമ പറയാന്‍ പോകുന്നത്. നോവലിലെ നജീബിന്റെ ജീവിതം സ്‌ക്രീനില്‍ എങ്ങനെ പകര്‍ത്തിയെന്ന് കാണാനുള്ള ആകാംക്ഷയിലാണ് പ്രേക്ഷകര്‍. അതിനിടെ സിനിമയിലെ പൃഥ്വിരാജിന്റെ പ്രകടനം കണ്ട് പ്രതികരിച്ചിരിക്കുകയാണ് യഥാര്‍ഥ ജീവിതത്തിലെ നജീബ്. നജീവ് ഗള്‍ഫില്‍ നേരിട്ട ദുരിതവും മരുഭൂവില്‍ നിന്നും രക്ഷപ്പെട്ടതിന്റെ കഥയുമെല്ലാമാണ് സിനിമ പറയുന്നത്. സിനിമയായി പറയുമ്ബോള്‍ നജീബിന്റെ ജീവിതം പ്രേക്ഷകരുടെ കണ്ണ് നനയിക്കുമെന്ന് ഉറപ്പാണ്
സിനിമ പുറത്തിറങ്ങുന്ന സാഹചര്യത്തില്‍ വിവിധ മാധ്യമങ്ങള്‍ നടത്തിയ അഭിമുഖങ്ങളിലായാണ് പൃഥ്വിരാജിന്റെ സിനിമയിലെ പ്രകടനത്തെ പറ്റി നജീബ് മനസ്സ് തുറന്നത്. സിനിമ താന്‍ കണ്ടിട്ടില്ലെന്നും എന്നാല്‍ ട്രെയ്‌ലറില്‍ മരുഭൂമിയില്‍ പൃഥ്വിരാജ് ഭാര്യയെ വിളിച്ച്‌ കരയുന്ന രംഗം കണ്ട് താന്‍ കരഞ്ഞുപോയെന്നും അന്ന് താന്‍ എന്തെല്ലാമാണോ ചെയ്തത് അതെല്ലാം തന്നെയാണ് പൃഥ്വിരാജ് ചെയ്തിരിക്കുന്നതും നജീബ് പറയുന്നു. സിനിമയില്‍ പൃഥ്വിരാജ് കണ്ണാടി നോക്കുന്ന രംഗവും ഞാന്‍ കണ്ടു. കവിളൊക്കെ ഒട്ടിയുള്ള രൂപമായിരുന്നു എനിക്ക് അന്ന്. അത് കണ്ടാല്‍ ഭയമാകുമായിരുന്നു. തന്റെ ജീവിതം നോവലായപ്പോള്‍ അത് വായ്ച്ച്‌ ഒരുപാട് കരഞ്ഞതാണെന്നും എങ്കിലും സിനിമയ്ക്കായി കാത്തിരിക്കുകയാണെന്നും നജീബ് പറഞ്ഞു.
