യു.എ.ഇ തിരഞ്ഞെടുത്ത പൗരൻമാർക്ക് പൗരത്വം നൽകാനൊരുങ്ങുന്നതായി വാർത്തകൾ. ഇതിനായുള്ള നിയമഭേദഗതി രാജ്യത്ത് നടപ്പാക്കി കഴിഞ്ഞു. പ്രത്യേക കഴിവുകൾ ഉള്ളവർ, പ്രൊഫഷണലുകൾ,വിവിധ നിക്ഷേപകർ എന്നിങ്ങനെയായിരിക്കും പൗരത്വത്തിനായി പരിഗണിക്കുന്നവർ. ഇവരുടെ കുടുംബങ്ങൾക്കും പൗരത്വം നൽകും.യു.എ.ഇ മന്ത്രാലയം,കോടതികൾ, എക്സിക്യുട്ടീവ് കൗൺസിൽ എന്നിവർക്കാണ് പൗരത്വം നൽകുന്നവരുടെ യോഗ്യത നിർണ്ണയിക്കാനുള്ള അവകാശം.
ഡോക്ടർമാർ,എ‍ഞ്ചിനിയർമാർ,ആർട്ടിസ്റ്റുകൾ,എഴുത്തുകാർ എന്നിങ്ങനെയായിരിക്കും പൗരത്വം നൽകുന്നവരെ വേർതിരിക്കുന്നതെന്ന് യു.എ.ഇ വൈസ്.പ്രസിഡന്റും പ്രധാനമന്ത്രിയുമായ മുഹമ്മദ് ബിൻ റാഷിദ് അൽ മഖ്ത്വം അറിയിച്ചു.
