ബ്രിട്ടീഷ് പ്രധാനമന്ത്രി തെരേസ മേയെ വധിക്കാനുള്ള ശ്രമം പരാജയപ്പെടുത്തിയതായി റിപ്പോര്‍ട്ട്. സംഭവവുമായി ബന്ധപ്പെട്ട് തീവ്രവാദ ബന്ധമുള്ള രണ്ട് പേരെ അറസ്റ്റ് ചെയ്തതായി പൊലീസ് അറിയിച്ചു. പ്രധാനമന്ത്രി തെരേസ മേയെ വധിക്കാന്‍ ഇവര്‍ പദ്ധതിയിട്ടിരുന്നതായും പൊലീസിന്റെ ഇടപെടലിലൂടെ ശ്രമം പരാജയപ്പെടുത്തിയെന്നും ബ്രിട്ടനിലെ ഔദ്യോഗിക മാധ്യമം റിപ്പോര്‍ട്ട് ചെയ്യുന്നു. ഡൌണിങ് സ്ട്രീറ്റില്‍ സ്‌ഫോടക വസ്തുക്കള്‍ നിറച്ച് ചാവേറാക്രമണം നടത്താനായിരുന്നു ഇവരുടെ ലക്ഷ്യം.
നാസിമുര്‍ സക്കറിയ, മുഹമ്മദ് ആഖിബ് എന്നിവരെയാണ് തേരെസ മേയെ വധിക്കാന്‍ ശ്രമിച്ചതുമായി ബന്ധപ്പെട്ട് അറസ്റ്റിലയത്. കഴിഞ്ഞ 12 മാസത്തിനിടെ ഒന്‍പത് തവണ തെരേസ മേയ്‌ക്കെതിരെ വധശ്രമം നടന്നിട്ടുണ്ടെന്ന് പ്രധാനമന്ത്രിയുടെ വക്താവ് അറിയിച്ചു. ആക്രമണ പദ്ധതിയുടെ പശ്ചാത്തലത്തില്‍ വന്‍ സുരക്ഷയാണ് തെരേ സ മേക്ക് ഒരുക്കിയിരിക്കുന്നത്.
