ബാസ്കറ്റ് ബോള് ഇതിഹാസം കോബി ബ്രയാന്റ് (41) ഹെലികോപ്റ്റര് അപകടത്തില് മരിച്ചു. അദ്ദേഹത്തിന്റെ 13 വയസുള്ള മകള് ഗിയാന്ന മരിയ ഒണോറ ബ്രയാന്റ് ഉള്പ്പടെ ഹെലികോപ്റ്ററിലുണ്ടായിരുന്ന ഒന്പതുപേരും അപകടത്തില് മരണപ്പെട്ടതായാണ് വിവരം. കാലിഫോര്ണിയയിലെ കലബസാസ് മേഖലയില് ഉണ്ടായ ഹെലികോപ്റ്റര് അപകടത്തിലാണ് കോബി ബ്രയാന്റ് മരിച്ചത്.
ബ്രയാന്റോയ്ക്കൊപ്പം ഹെലികോപ്റ്ററിൽ കൂടെയുണ്ടായിരുന്ന മറ്റുള്ളവരെ തിരിച്ചറിഞ്ഞിട്ടില്ല. കോബിന്റെയും മകളുടെയും മരണം സ്ഥിരീകരിച്ചിട്ടുണ്ട്. കോബിന്റെ സ്വകാര്യ ഹെലികോപ്റ്ററാണ് തകര്ന്നുവീണത്. അപകടവിവരം അറിഞ്ഞതിന് പിന്നാലെ രക്ഷാപ്രവര്ത്തകര് സ്ഥലത്ത് എത്തിയെങ്കിലും ആരെയും ജീവനോടെ രക്ഷപ്പെടുത്താന് സാധിച്ചില്ലെന്നാണ് റിപ്പോര്ട്ടുകള്.