യൂത്ത് കോണ്ഗ്രസ് പ്രവര്ത്തകരുടെ കൊലപാതക കേസില് സിപിഐഎം ലോക്കല് കമ്മിറ്റി അംഗം എ. പീതാംബരന് പൊലീസ് കസ്റ്റഡിയില്. ഇന്നലെ രാത്രിയാണ് കസ്റ്റഡിയില് എടുത്തത്. ഉദുമ എംല്എ കെ. കുഞ്ഞിരാമനാണ് ഇക്കാര്യം അറിയിച്ചത്. പീതാംബരനെ പാര്ട്ടിയില് നിന്ന് പുറത്താക്കും.
പീതാംബരനാണ് കൊലപാതകം ആസൂത്രണം ചെയ്തത്. ആക്രമിച്ചതിനുള്ള പ്രതികാരമായാണ് പീതാംബരന് കൊലപാതകം ആസൂത്രണം ചെയ്തത്. കൃത്യം നിര്വഹിച്ചത് പുറത്തുനിന്നുള്ള വിദഗ്ധ സംഘമാണ്. കസ്റ്റഡിയില് ഉള്ളവരാണ് നിര്ണായക വിവരങ്ങള് നല്കിയത്.
കൊല്ലപ്പെട്ടവര്ക്കെതിരെ മുന്പു സമൂഹമാധ്യമങ്ങള് വഴി വധഭീഷണി മുഴക്കിയ കോളജ് വിദ്യാര്ഥി ഉള്പ്പെടെ 2 സിപിഐഎം പ്രവര്ത്തകരെ പൊലീസ് ഇന്നലെ കസ്റ്റഡിയിലെടുത്തിരുന്നു. പ്രദേശത്തെ സിപിഐഎം പ്രവര്ത്തകര്ക്കു കൊല്ലപ്പെട്ട യുവാക്കളോടു മുന്വൈരാഗ്യമുണ്ടായിരുന്നുവെന്ന് എഫ്ഐആറില് പറയുന്നു.