നീതിന്യായ വ്യവസ്ഥയിൽ കൊടികുത്തിവാഴുന്ന ജാതിയും അഴിമതിയും നിർത്തലാക്കും വരെ പോരാട്ടം തുടരുമെന്ന് ജസ്റ്റിസ് കർണൻ. ചൊവ്വാഴ്ച രാത്രി അറസ്റ്റിലായ ഇദ്ദേഹം കോയമ്പത്തൂർ വിമാനത്താവളത്തിൽ മാധ്യമ പ്രവർത്തകരോട് സംസാരിക്കുകയായിരുന്നു. താൻ കുറ്റവാളിയല്ല. നീതിന്യായ വ്യവസ്ഥയിൽ ജാതിയും അഴിമതിയും കൊടികുത്തിവാഴുകയാണ്. ജുഡീഷ്യറി രംഗത്തുള്ള അഴിമതിയെ ന്യായീകരിക്കുകയാണ് സുപ്രീംകോടതി. ഇതിനെ എതിർത്ത് ഒറ്റയാൾ പോരാട്ടം തുടരും. തോക്കിൻ മുനയിലാണ് പൊലീസ് തന്നെ അറസ്റ്റ് ചെയ്തത്. പൊലീസിന്റെ നടപടികളെ വിമർശിക്കുന്നില്ല. നന്മ ലക്ഷ്യമാക്കിയാണ് തന്റെ സമരം. കേസ് നിയമപരമായി നേരിടുമെന്നും അദ്ദേഹം അറിയിച്ചു. അഴിമതി ഉണ്ടാകാൻ പാടില്ലെന്നാണ് തന്റെ നിലപാട്. ഇതിന്റെ പേരിൽതന്നെ അറസ്റ്റ് ചെയ്യേണ്ടതിന്റെ ആവശ്യകതയെന്താണെന്നും കർണൻ ചോദിച്ചു.
ഞാൻ തീവ്രവാദിയല്ല; നീതിന്യായ വ്യവസ്ഥയിൽ കൊടികുത്തിവാഴുന്ന ജാതിയും അഴിമതിയും നിർത്തലാക്കും വരെ പോരാട്ടം; ജസ്റ്റിസ് കർണൻ
RELATED ARTICLES