പ്രശസ്ത അമേരിക്കൻ സംഗീതജ്ഞൻ ജോ ഡിഫി (61) കൊറോണ ബാധിച്ച് അന്തരിച്ചു. രണ്ട് ദിവസം മുമ്പാണ് തനിക്ക് കൊറോണയാണെന്നും ഇപ്പോൾ ചികിത്സയിലാണെന്നും ഡിഫി ഫേസ്ബുക്കിലൂടെ ലോകത്തെ അറിയിച്ചത്.
ഒക്ലഹോമയിലെ തുൾസ സ്വദേശിയായ ഡിഫി 1990ലാണ് എ തൗസൻഡ് വൈൻഡിങ് റോഡ് എന്ന ആദ്യ ആൽബം പുറത്തിറങ്ങിയത്. ഈ ആൽബത്തിലെ ഗാനമാണ് അദ്ദേഹത്തിന്റെ എക്കാലത്തെയും വലിയ ഹിറ്റുകളിൽ ഒന്നായ ഹോം എന്ന ഗാനം. പിക്കപ്പ് മാൻ, പ്രോപ് മി അപ് ബിസൈഡ് ദി ജൂക്‌ബോക്സ് (ഇഫ് ഐ ഡൈ), ജോൺ ഡീറി ഗ്രീൻ തുടങ്ങിയവായിരുന്നു പ്രധാന ഹിറ്റുകൾ.
