യുവരാജ് സിങിനെതിരെ ഗാര്‍ഹിക പീഡനത്തിന് കേസ്. യുവരാജിന്റെ സഹോദരന്റെ ഭാര്യ അകന്‍ക്ഷാ ശര്‍മയാണ് ഗാര്‍ഹിക പീഡനത്തിന് പൊലീസില്‍ പരാതി നല്‍കിയത്.അകന്‍ക്ഷായുടെ പരാതിയുടെ അടിസ്ഥാനത്തില്‍ യുവരാജ് സിങ്, അമ്മ ഷബ്നം സിങ്, സഹോദരന്‍ സരോവര്‍ സിങ് എന്നിവര്‍ക്കെതിരെ പൊലീസ് കേസെടുത്തു. കേസില്‍ ആദ്യ വാദം കേള്‍ക്കല്‍ നിശ്ചയിച്ചിരിക്കുന്നത് ഒക്ടോബര്‍ 21-നാണ്. ഇതിനു ശേഷം താന്‍ പരാതിയെ കുറിച്ച്‌ കൂടുതല്‍ വിശദീകരിക്കാമെന്ന് അകന്‍ക്ഷ മാധ്യമങ്ങളെ അറിയിച്ചു.
ഭര്‍ത്താവ് സരോവറിനും, യുവിക്കും, അമ്മ ഷബ്നത്തിനുമെതിരെയാണ് കേസ് രജിസ്റ്റര്‍ ചെയ്തിരിക്കുന്നതെന്ന് അകന്‍ക്ഷയുടെ അഭിഭാഷക സ്വാതി സിങ് മാലിക് വ്യക്തമാക്കി.ഇതിനിടെ ഷബ്നം, അകന്‍ക്ഷയ്ക്കെതിരെയും പരാതി നല്‍കിയിട്ടുണ്ട്. യുവിക്കെതിരെ എന്തിനാണ് പരാതി നല്‍കിയത് എന്ന ചോദ്യത്തിന്, ഗാര്‍ഹിക പീഡനമെന്നാല്‍ ശാരീരിക പീഡനം മാത്രമല്ലെന്നും മറിച്ച്‌ മാനസികവും സാമ്ബത്തിക പീഡനവും ഉള്‍പ്പെടുമെന്നും സ്വാതി പറഞ്ഞു. അകന്‍ക്ഷാ ഭര്‍തൃവീട്ടില്‍ നേരിട്ട പീഡനങ്ങള്‍ക്ക് യുവി മൂക സാക്ഷിയായിരുന്നുവെന്നും സ്വാതി കൂട്ടിച്ചേര്‍ത്തു. ബിഗ് ബോസ് എന്ന റിയാലിറ്റി ഷോയിലെ മത്സരാര്‍ത്ഥി കൂടിയാണ് അകന്‍ക്ഷ.
