സ്ഥിരമായി വ്യായാമം ചെയ്യുന്നവർ ശ്രദ്ധിക്കേണ്ട ചില കാര്യങ്ങളുണ്ട്. വ്യായാമം ചെയ്തു കഴിഞ്ഞാല്‍ ഉടനെ വെള്ളം കുടിക്കരുത്. സ്ഥിരമായി വ്യായാമം ചെയ്യുന്നവര്‍ ഭക്ഷണകാര്യത്തില്‍ ശ്രദ്ധ കൊടുക്കണം. വ്യായാമത്തിന് തൊട്ടുമുന്‍പ് ആഹാരം കഴിക്കുന്നത് നല്ലതല്ല. രണ്ട് മണിക്കൂര്‍ മുമ്ബെങ്കിലും ആഹാരം കഴിക്കുക. ഈ സമയത്ത് ആപ്പിള്‍, പഴങ്ങള്‍, ഓട്സ് എന്നിവ തിരഞ്ഞെടുക്കാം.
കഠിന വ്യായാമം ചെയ്യുന്നവര്‍ ശേഷം കാര്‍ബോഹൈഡ്രേറ്റ് അടങ്ങിയ ചോറ്, ചപ്പാത്തി എന്നിവ കഴിക്കണം. തവിട് നീക്കാത്ത ധാന്യങ്ങള്‍, ബ്രൗണ്‍ ബ്രെഡ് എന്നിവയും കാര്‍ബോഹൈഡ്രേറ്റ് അടങ്ങിയ ഭക്ഷണങ്ങളാണ്. ഇവ പേശികള്‍ക്ക് ഊര്‍ജം നല്‍കും. ദഹിക്കാന്‍ സമയം ഏറെ വേണ്ടതിനാല്‍ വ്യായാമത്തിന് മുമ്ബ് പ്രോട്ടീനും കൊഴുപ്പും കൂടുതലുള്ള ഭക്ഷണം കഴിക്കരുത്. കഠിനമായി വ്യായാമം ചെയ്യുന്നവര്‍ ശേഷം തൈര്, കൊഴുപ്പു കുറഞ്ഞ പാല്‍ എന്നിവ കുടിക്കുക. പ്രോട്ടീന്‍ ഉറപ്പാക്കാന്‍ മുട്ടയുടെ വെള്ള, മുളപ്പിച്ച പയര്‍, കോഴിയിറച്ചി എന്നിവ കഴിക്കാം. ബദാം, ആപ്രിക്കോട്ട്, കശുവണ്ടിപ്പരിപ്പ് എന്നിവ നല്ലതാണ്.
