കണക്ടിക്കട്ട്: യുഎസില് അഗ്നിശമന സേന വാഹനമിടിച്ച് മലയാളി വിദ്യാര്ത്ഥിനി മരിച്ചു . യുഎസിലെ കണക്ടിക്കട്ട് സര്വകലാശാലയില് മലയാളി വിദ്യാര്ത്ഥിനിയായ ജെഫ്നി പാലി (19) യാണ് മരിച്ചത്. ഞായറാഴ്ചയാണ് അപകടം നടന്നത്. സര്വകലാശാല ക്യാമ്പസിനകത്തുള്ള ഫയര് സ്റ്റേഷന്റെ ഗാരേജ് ഡോറില് ചാരി ഇരിക്കുകയായിരുന്നു ജെഫ്നി. അടിയന്തര സന്ദേശം ലഭിച്ചതിനെ തുടര്ന്ന് വാഹനം പെട്ടെന്ന് മുന്നോട്ടെടുത്തപ്പോള് ജെഫ്നി വീഴുകയും ശരീരത്തിലൂടെ അഗ്നിശമനസേനയുടെ വാഹനം കയറിയിറങ്ങുകയുമായിരുന്നു. വെസ്റ്റ് ഹാര്പോര്ഡില് താമസിക്കുന്ന സിബി ചെമ്മരപ്പിള്ളിലിന്റെയും ഷൈനിയുടെയും മകളാണ് ജെഫ്നി. ജെന്നി പാലി, ജോയല് പാലി എന്നിവര് സഹോദരങ്ങളാണ്. സംഭവത്തെ കുറിച്ച് പൊലീസ് അന്വേഷണം ആരംഭിച്ചു.
കൂടുതൽ വാർത്തകൾക്കായി സന്ദർശിക്കൂ: