സിനിമ താരങ്ങളുടെ പേരില് വ്യാജ വാര്ത്തകള് പ്രചരിക്കുന്നതും അത് നിഷേധിച്ച് അവര് രൂക്ഷമായി പ്രതികരിച്ച് രംഗത്ത് എത്തുന്നതും സാധാരണ കാര്യമാണ്. ഇത്തരത്തില് കഴിഞ്ഞ മാസം വാര്ത്തകളില് നിറഞ്ഞത് നടി നിത്യ മേനോനായിരുന്നു. ഒരു തമിഴ് താരം ഷൂട്ടിംഗ് സെറ്റില് തന്നെ ശല്യം ചെയ്തെന്നും തമിഴ് സിനിമയില് താന് ഒരുപാട് പ്രതിസന്ധികള് നേരിട്ടെന്നും നിത്യ പറഞ്ഞതായി ഇന്നലെ വ്യാജവാര്ത്തകള് പ്രചരിച്ചിരുന്നു. ആ വിഷയത്തില് ശക്തമായി പ്രതികരണവുമായി നിത്യ എത്തിയിരിക്കുകയാണ്.
‘പത്രപ്രവര്ത്തകരിലെ ഒരു വിഭാഗം ഈ വിധം താണ നിലയിലേക്ക് എത്തിയിരിക്കുന്നുവെന്നത് ഏറെ ഖേദകരമാണ്. ഇതിനേക്കാള് മെച്ചപ്പെടണമെന്ന് ഞാന് അഭ്യര്ഥിക്കുകയാണ്. ഇത് വ്യാജ വാര്ത്തയാണ്. പൂര്ണമായും അസത്യം. ഇങ്ങനെയൊരു അഭിമുഖം ഞാന് നല്കിയിട്ടില്ല. ഈ അപവാദപ്രചരണം തുടങ്ങിവച്ചത് ആരെന്ന് ആര്ക്കെങ്കിലും ധാരണയുണ്ടെങ്കില് ദയവായി അത് എന്നെ അറിയിക്കുക. ക്ലിക്ക് ലഭിക്കാന് വേണ്ടിമാത്രം ലളിതമായി ഇത്തരത്തില് വ്യാജവാര്ത്തകള് ഉണ്ടാക്കുന്നവര്ക്ക് അതിന്റെ ബാധ്യത ഉണ്ടാവേണ്ടതുണ്ട്.’ – എന്നാണ് അന്ന് തന്റെ സോഷ്യല് മീഡിയ പോസ്റ്റിലൂടെ നിത്യ പ്രതികരിച്ചത്.
ന്യൂസ് 18ന് നല്കിയ മറ്റൊരു അഭിമുഖത്തിൽ താരം കൂടുതൽ വിശദീകരണം നൽകി.
‘ആരോ എന്നെ ഉപദ്രവിച്ചുവെന്ന് അര്ക്കെങ്കിലും എങ്ങനെ പറയാൻ സാധിക്കും ? ഈ കാര്യം പുറത്ത് പറയണം എന്ന് തോന്നി. ആ ഉത്തരവാദിത്തം എനിക്കുണ്ട്. ആളുകള് നിങ്ങളെ മോശമായി ചിത്രീകരിക്കുമ്ബോള് നിങ്ങള് അവരുടെ നേരെ വിരല് ചൂണ്ടണം. ഇത്തരം കാര്യം ചെയ്യുന്നതിന്റെ ആഘാതവും അനന്തരഫലങ്ങളും അവര് അഭിമുഖീകരിക്കണമെന്നാണ് ഞാൻ ആഗ്രഹിക്കുന്നത്.’ -നിത്യ പറയുന്നു.
ഇത്തരം കാര്യങ്ങള് നിങ്ങളെ ബാധിക്കരുത്. നമ്മള് വലിയ സ്പിരിച്വല് വ്യക്തിയല്ലെങ്കില് ഇത്തരം കാര്യങ്ങള് നമ്മളെ അസ്വസ്തരാക്കും. എന്നാല് ഈ കാര്യങ്ങളില് തൂങ്ങി എന്നും അസ്വസ്തരായി ഇരിക്കാനം സാധിക്കില്ല. എന്റെ ആരോഗ്യം മുഖ്യമാണല്ലോ. ആരെങ്കിലും ബോധമില്ലാതെ ചെയ്യുന്ന കാര്യത്തിന് ഞാന് എന്തിന് അസ്വസ്തയാകണം. ഞാനും മുതിര്ന്ന് പക്വതയുള്ള ഒരു വ്യക്തിയാണല്ലോ. ചിലര് പറയും ഇതൊക്കെ നേരിടാന് തൊലിക്കട്ടി വേണമെന്ന്, ശരിക്കും അതല്ല കാര്യം.
അത്തരം കാര്യങ്ങളില് നിന്ന് നിങ്ങള്ക്ക് എങ്ങനെ സ്വയം വേര്പെട്ട് നില്ക്കാം എന്നതിനെ കുറിച്ചുള്ള ആഴത്തിലുള്ള ധാരണയാണ് വേണ്ടത്. എന്നെക്കുറിച്ച് നിരവധി കിംവദന്തികള് വന്നിട്ടുണ്ട്, ആളുകള് അതെല്ലാം വിശ്വസിക്കുകയും ചെയ്തിട്ടുണ്ട്. ഓരോന്നും ശരിക്കും സംഭവിച്ചത് പോലെയാണ് എഴുതിയിരിക്കുന്നത്. എന്നാല് ഇത്തവണ, അതിനെക്കുറിച്ച് സംസാരിക്കേണ്ടത് ആവശ്യമാണെന്ന് തോന്നി’ – നിത്യ അഭിമുഖത്തില് പറയുന്നു.