ക്രൊയേഷ്യയെ രണ്ടിനെതിരെ നാല് ഗോളുകള്ക്ക് തോല്പ്പിച്ച് ഫ്രാന്സിന് ലോക കിരീടം. ആദ്യപകുതിയില് ഫ്രാന്സ് 2-1ന് മുന്നിലായിരുന്നു. 1998ല് സ്വന്തം നാട്ടില് കപ്പുയര്ത്തിയശേഷം ഫ്രാന്സിന്റെ ആദ്യ ലോകകപ്പ് വിജയമാണിത്. അതേസമയം, കന്നി കിരീടം തേടിയെത്തിയ ക്രൊയേഷ്യയ്ക്ക്, ഫുട്ബോള് ലോകത്തിന്റെ ഹൃദയം കവര്ന്ന പ്രകടനത്തിനൊടുവില് രണ്ടാം സ്ഥാനവുമായി മടക്കം.
ക്രൊയേഷ്യന് താരം മരിയോ മാന്സൂകിച്ചിന്റെ സെല്ഫ് ഗോളില് ഫ്രാന്സാണ് ആദ്യം ലീഡെടുത്തത്. പിന്നാലെ അന്റോയിന് ഗ്രീസ്മന് (38, പെനല്റ്റി), പോള് പോഗ്ബ (59), കിലിയന് എംബപെ (65) എന്നിവര് ഫ്രാന്സിന്റെ ലീഡുയര്ത്തി. ക്രൊയേഷ്യയുടെ ആശ്വാസഗോളുകള് ഇവാന് പെരിസിച്ച് (28), മരിയോ മാന്സൂക്കിച്ച് (69) എന്നിവര് നേടി.