വനിതാ മതിലിന്റെ പേരില് നിര്ബന്ധിത പിരിവ് നടത്തിയിട്ടില്ലെന്ന് മന്ത്രി ജി സുധാകരന്. കുടുംബശ്രീക്കാര് അടക്കം പണം പിരിച്ചാണ് വരുന്നത്. മതിലില് പങ്കെടുക്കാന് വരുന്നവര് ചെലവിനായി പണം പിരിക്കുന്നുണ്ട്. ആലപ്പുഴ ജില്ലയില് ഒരു പരാതിയും ഉയര്ന്നിട്ടില്ല. ചില സ്ഥലത്ത് ടെലിവിഷനില് വരാന് വേണ്ടി ഏതാനും സ്ത്രീകള് സംസാരിച്ചിട്ടുണ്ടെന്നും മന്ത്രി പറഞ്ഞു. വനിതാ മതിലുമായി ബന്ധപ്പെട്ട് വിവാദം വേണ്ട. വനിതാ മതിലിനെ രാഷ്ട്രീയമായി കൂട്ടികുഴക്കേണ്ടതില്ലെന്നും സുധാകരന് പറഞ്ഞു. വനിതാ മതിലിന് ശബരിമലയുമായി നേരിട്ട് ബന്ധമില്ലെന്നും ജി സുധാകരന് പറഞ്ഞു. വനിതാ മതില് വിഷയത്തില് എന്എസ്എസ് നിലപാട് തിരുത്തണമെന്നും സുധാകരന് ആവശ്യപ്പെട്ടു.
വനിതാ മതിലിന് ശബരിമലയുമായി നേരിട്ട് ബന്ധമില്ല; നിര്ബന്ധിത പണപിരിവ് നടത്തിയിട്ടില്ലെന്ന് മന്ത്രി ജി സുധാകരന്
RELATED ARTICLES