സുഡാനില് ഏറെ നാളായുള്ള ജനാധിപത്യ പ്രക്ഷോഭം തുടരുകയാണ് .സുഡാന്റെ തലസ്ഥാനമായ ഖാര്ത്തുമില് സൈനിക ആസ്ഥാനത്തിനു സമീപം കുത്തിയിരിപ്പു സമരം നടത്തിയ ജനാധിപത്യ പ്രക്ഷോഭകര്ക്കു നേരെ സൈന്യം നടത്തിയ വെടിവയ്പില് കൊല്ലപ്പെട്ടവരുടെ എണ്ണം 35 ആയി ഉയര്ന്നു. മരണസംഖ്യ ഇനിയും ഉയര്ന്നേക്കുമെന്നാണ് റിപ്പോര്ട്ട്. പരുക്കേറ്റ 116 പേരെ വിവിധ ആശുപത്രികളില് പ്രവേശിപ്പിച്ചിരിക്കുകയാണ്.
വെടിവയ്പിലൂടെ നടത്തിയത് കൂട്ടക്കൊലയാണെന്ന് സുഡാനീസ് പ്രൊഫഷണല്സ് അസോസിയേഷന് (എസ്പിഎ) പ്രതികരിച്ചു. പ്രസിഡന്റ് ഒമര് ഹസന് അല് ബഷീര് പുറത്താക്കപ്പെട്ടശേഷം അധികാരം ഏറ്റെടുത്ത സൈനിക കൗണ്സില് സിവിലിയന് സര്ക്കാരിനു ഭരണം കൈമാറണമെന്ന് ആവശ്യപ്പെട്ടാണ് സമരക്കാര് പ്രതിഷേധവുമായി രംഗത്തെത്തിയത്.