കോട്ടയം മാന്നാനത്തെ ദുരഭിമാനക്കൊലക്കസിലെ പ്രതികളെന്നു സംശയിക്കുന്ന 2 ഡിവൈഎഫ ഐ പ്രവര്ത്തകര്. വാഹനവുവായി പോയ നിയാസ് ഡിവൈഎഫ്ഐ തെന്മല യൂണിറ്റ് സെക്രട്ടറിയാണ്. ഇന്ന് പിടിയിലായ നിഷാലും ഡിവൈഎഫ്ഐ പ്രവര്ത്തകനാണ്. പ്രണയ വിവാഹത്തെ തുടര്ന്ന് ഭാര്യവീട്ടുകാര് തട്ടികൊണ്ട് പോയ കോട്ടയം സ്വദേശി കെവിന്റെ മൃതദേഹം തെന്മലയ്ക്ക് 20 കിലോമീറ്റര് അകലെ ചാലിയക്കര തോട്ടില് ഇന്നു പുലര്ച്ചെയാണ് കണ്ടത്. കൊലപ്പെടുത്തി ഉപേക്ഷിച്ചതാണെന്നാണു നിഗമനം.
വധു കൊല്ലം തെന്മല ഒറ്റക്കല് സാനുഭവനില് നീനു ചാക്കോ(20)യുടെ പരാതിയില് സഹോദരന് ഷാനു ചാക്കോ ഉള്പ്പെടെ കണ്ടാലറിയാവുന്ന 10 പേര്ക്കെതിരെ ഗാന്ധിനഗര് പൊലീസ് കേസെടുത്ത് അന്വേഷണം നടത്തുന്നതിനിടെയാണ് മൃതദേഹം കണ്ടെത്തിയത്. അമ്മാവന്റെ മകനായ അനീഷിനൊപ്പം മാന്നാനത്തെ വീട്ടിലാണു കെവിന് കഴിഞ്ഞിരുന്നത്. ഇന്നലെ പുലര്ച്ചെ രണ്ടുമണിയോടെ മൂന്നു കാറുകളിലായി 10 പേര് ആക്രമിക്കുകയായിരുന്നുവെന്ന് അനീഷ് പറയുന്നു. ഒപ്പം കൊണ്ടുപോയ ബന്ധു, മാന്നാനം കളമ്ബുകാട്ടുചിറ അനീഷിനെ (30) മര്ദിച്ച് അവശനാക്കിയശേഷം വഴിയില് ഉപേക്ഷിച്ച് സംഘം കെവിനുമായി പോകുകയായിരുന്നു.
പെണ്കുട്ടിയും കെവിനും തമ്മില് മൂന്നു വര്ഷമായി പ്രണയത്തിലായിരുന്നു. എന്നാല് കെവിന്റെ ജാതിയും ജോലിയുമായിരുന്നു അവര് പ്രശ്നമായി ഉയര്ത്തിയത്. ഒടുവില് രജിസ്റ്റര് മാര്യേജ് ചെയ്തതിന് പിന്നാലെ സഹോദരന്റെ നേതൃത്വത്തില് ഗുണ്ടാസംഘം എത്തി ഇയാളെ തട്ടിക്കൊണ്ടു പോകുകയായിരുന്നു.
നട്ടാശേരി എസ്എച്ച് മൗണ്ട് പ്ലാത്തറ വീട്ടില് കെവിനെയും ഇയാളുടെ പിതൃസഹോദരിയുടെ മകന് മാന്നാനം കളമ്പുകാട്ടുചിറ അനീഷ് സെബാസ്റ്റ്യനെയുമാണ് മാരകായുധങ്ങളുമായെത്തിയ സംഘം കഴിഞ്ഞ ദിവസം തട്ടിക്കൊണ്ടുപോയത്. അനീഷിന്റെ വീട് സംഘം അടിച്ചു തകര്ക്കുകയും ചെയ്തു. അനീഷിനെ പിന്നീടു സംഘം റോഡില് ഉപേക്ഷിച്ചെങ്കിലും. കെവിനെക്കുറിച്ചു വിവരമൊന്നുമില്ലായിരുന്നു. തുടര്ന്നാണ് മൃതദേഹം കണ്ടെത്തിയിരിക്കുന്നത്.