തൃശ്ശൂര്‍: രാത്രിയിൽ ഭര്‍ത്താവിനൊപ്പം സഞ്ചരിക്കുകയായിരുന്ന യുവതിക്കുനേരെ പീഡന ശ്രമം. തൃശ്ശൂര്‍ മൈലിപ്പാടത്താണ് സംഭവം. സഹോദരിയുടെ വീട്ടിലെത്തിയ വടകര സ്വദേശികളായ ദമ്ബതികള്‍ക്ക് നേരെയാണ് ആക്രമണം ഉണ്ടായത്. സംഭവത്തില്‍ രണ്ടുപേരെ തൃശ്ശൂര്‍ ഈസ്റ്റ് പോലീസ് അറസ്റ്റ് ചെയ്തു. മൈലിപ്പാടം സ്വദേശികളായ ഡേവിഡ്, ലാലുര്‍ സ്വദേശി ബാബു എന്നിവരാണ് പിടിയിലായത്. ഇവര്‍ മദ്യലഹരിയിലായിരുന്നുവെന്ന് പോലീസ് പറഞ്ഞു. പ്രതികള്‍ക്കെതിരെ ബലാത്സംഗ ശ്രമത്തിന് കേസ് എടുത്തിട്ടുണ്ട്.
ബുധനാഴ്ച രാത്രി ഒമ്ബത് മണിയോടെ തൃശ്ശൂര്‍ ടൗണില്‍ നിന്ന് സാധനങ്ങള്‍ വാങ്ങി മൈലിപ്പാടത്തെ സഹോദരിയുടെ വീട്ടിലേക്ക് പോവുകയായിരുനന്നു ദമ്ബതികള്‍. ഈ സമയം ആളൊഴിഞ്ഞ വഴിയില്‍ പതുങ്ങിയിരുന്ന രണ്ടംഗസംഘം ഇവരെ ആക്രമിക്കുകയായിരുന്നു. ഭര്‍ത്താവിനെ മര്‍ദ്ദിച്ച ശേഷം ഇവര്‍ യുവതിയെ കടന്നുപിടിച്ചു. യുവതി ബഹളം വെയ്ക്കുന്നത് കേട്ട് ഓടിയെത്തിയ നാട്ടുകാരാണ് ആക്രമികളെ പിടികൂടിയത്.
കൂടുതൽ വാർത്തകൾക്കായി സന്ദർശിക്കൂ:
www.v4vartha.com
