യോഗപരിശീലനം ശാരീരിക-മാനസികാരോഗ്യം മെച്ചപ്പെടുത്തുന്നതിനൊപ്പം നല്ല അച്ഛനാവാനും സഹായിക്കും. വാഷിങ്ടൺ സ്റ്റേറ്റ് യൂണിവേഴ്സിറ്റിയിലെ ഗവേഷകരാണ് യോഗാ പരിശീലനത്തിന്റെ മറ്റൊരു നേട്ടം കൂടി കണ്ടെത്തിയത്.
തടവുകാർക്ക് കുട്ടികളുടെ വളർച്ചയും സ്വഭാവരൂപവത്കരണവും സംബന്ധിച്ച ക്ളാസും യോഗയും പരിശീലിപ്പിച്ചായിരുന്നു പഠനം. ക്ളാസിലും യോഗാ പരിശീലനത്തിലും പങ്കെടുത്ത തടവുകാർ തങ്ങളുടെ കുട്ടികളുടെ ഭാവിയെക്കുറിച്ച് കൂടുതൽ ശ്രദ്ധാകുലരായി.
ലളിതമായ ആസനമുറകളായിരുന്നു പരിശീലനത്തിന് ഉപയോഗപ്പെടുത്തിയിരുന്നത്. യോഗ ചെയ്യുമ്പോൾ ലഭിച്ച ശാരീരിക-മാനസികാരോഗ്യമാണ് തടവുകാരെ ഇത്തരമൊരു അവസ്ഥയിലേക്ക് നയിച്ചതെന്ന് ഗവേഷകർ പറഞ്ഞു.
വാഷിങ്ടണിലെ ചെലൻ കൗണ്ടി ജയിലിലെ വിവിധ വിഭാഗങ്ങളിൽപ്പെട്ട 14 തടവുകാരിൽ യോഗാപരിശീലനം നൽകി നടത്തിയ പഠനമാണ് ഇക്കാര്യം തെളിയിച്ചതെന്ന് ഗവേഷണത്തിന് നേതൃത്വം നൽകിയ ജെന്നിഫർ ക്രോഫോർഡ് പറഞ്ഞു.
കടപ്പാട് : മാതൃഭൂമി