ടാറ്റ സണ്സ് മുന് ചെയര്മാൻ സൈറസ് മിസ്ത്രി (54) വാഹനാപകടത്തില് മരിച്ചു. മുംബൈ- അഹമ്മദാബാദ് ദേശീയപാതയില് പാല്ഘറില് സൂര്യനദിക്ക് കുറുകെയുള്ള ഛറോത്തി പാലത്തിന് സമീപമായിരുന്നു അപകടം. മിസ്ത്രി സഞ്ചരിച്ച മെഴ്സിഡസ് കാര് ഡിവൈഡറില് ഇടിക്കുകയായിരുന്നു. നാല് പേരാണ് കാറിലുണ്ടായിരുന്നത്. ഇതില് മിസ്ത്രിയടക്കം രണ്ടുപേര് മരിച്ചു. ഒപ്മുപണ്ടായിരുന്ന മറ്റ് രണ്ടുപേരെ പരിക്കുകളോടെ ആശുപത്രിയില് പ്രവേശിപ്പിച്ചു. അഹമ്മദാബാദില് നിന്ന് മുംബൈയിലേക്ക് വരികയായിരുന്നു. ടാറ്റ കുടുംബത്തിന് പുറത്തുനിന്നുള്ള ആദ്യത്തെ ചെയര്മാനായിരുന്നു മിസ്ത്രി. പിന്നീട് ചെയർമാൻ സ്ഥാനത്ത് നിന്ന് അദ്ദേഹത്തെ നീക്കി. നീക്കിയതിനെതിരെ അദ്ദേഹം നിയമപരമായി മുന്നോട്ടുനീങ്ങി. ഒടുവില് ടാറ്റ ഗ്രൂപ്പ് ചെയർമാനായി പുനർനിയമനം നൽകാൻ കമ്പനി നിയമ ട്രിബ്യൂണല് ഉത്തരവിട്ടു. മൂന്ന് വർഷം മുമ്പാണ് ചെയർമാൻ സ്ഥാനത്ത് നിന്ന് മിസ്ത്രിയെ പുറത്താക്കിയത്.
ടാറ്റ സണ്സ് മുന് ചെയര്മാൻ സൈറസ് മിസ്ത്രി വാഹനാപകടത്തില് മരിച്ചു; അപകടം മുംബൈ- അഹമ്മദാബാദ് ദേശീയപാതയില്
RELATED ARTICLES