ഉള്ളി കയറ്റുമതി നിരോധിച്ച് ഉത്തരവിറക്കി കേന്ദ്രസർക്കാർ: നടപടി വിലക്കയറ്റം തടയാൻ

വില ക്രമാതീതമായി ഉയർന്ന സാഹചര്യത്തിൽ ഉള്ളി കയറ്റുമതി ചെയ്യുന്നത് കേന്ദ്രസര്‍ക്കാര്‍ നിരോധിച്ചു. ഉള്ളി വില നിയന്ത്രിക്കുന്നതിന്റെ ഭാഗമായിട്ടാണ് ഈ നടപടി. ഉള്ളി കയറ്റുമതി നിരോധിച്ചുകൊണ്ട് കേന്ദ്ര വാണിജ്യ വ്യവസായ മന്ത്രാലയമാണ് ഉത്തരവിറക്കിയത്. ഇതു സംബന്ധിച്ച് മറ്റൊരു ഉത്തരവ് ഉണ്ടാകുന്നത് വരെയാണ് നിരോധനം ഏര്‍പ്പെടുത്തിയത്. എല്ലാ തരത്തിലുള്ള ഉള്ളിയും കയറ്റുമതി ചെയ്യുന്നതിനും നിരോധനമുണ്ട്. നിരോധനം ഉടന്‍ പ്രാബല്യത്തില്‍ വരുമെന്ന് സര്‍ക്കാര്‍ വ്യക്തമാക്കി.