സർക്കാരിനെതിരെ യുഡിഎഫിന്റെ സെക്രട്ടേറിയറ്റ് വളയലിനിടെ സംഘർഷം. നോർത്ത് ഗേറ്റിൽ സമരക്കാരും പൊലീസും തമ്മിൽ ഉന്തും തള്ളുമുണ്ടായി. സമരം നടക്കുന്ന ഗേറ്റിലൂടെ ജീവനക്കാരെ പൊലീസ് കടത്തിവിട്ടതിനെ ചൊല്ലിയാണ് പ്രശ്നമുണ്ടായത്. പൊലീസ് സമരം പൊളിക്കാനുള്ള ശ്രമമാണെന്നാണ് പ്രതിഷേധക്കരുടെ ആരോപണം. പൊലീസും പ്രതിഷേധക്കാരും തമ്മില് ഉന്തും തള്ളുമുണ്ടായി. സംസ്ഥാന സര്ക്കാരിന്റെ രണ്ടാം വാര്ഷിക ദിനം പ്രതിഷേധദിനമായി മാറ്റിയിരിക്കുകയാണ് പ്രതിപക്ഷ പാര്ട്ടികൾ. യുഡിഎഫ് സെക്രട്ടേറിയറ്റ് വളഞ്ഞ് പ്രതിഷേധിക്കുകയാണ്. നികുതി വര്ധന, കാര്ഷിക പ്രശ്നങ്ങള്, അഴിമതി, സാമ്പത്തിക പ്രതിസന്ധി, സര്ക്കാരിന്റെ ധൂര്ത്ത് തുടങ്ങി രാഷ്ട്രീയ വിഷയങ്ങളില് ഉള്പ്പടെ സര്ക്കാരിനെതിരായ കുറ്റപത്രം പ്രതിഷേധ സമരത്തിനിടെ വായിക്കും.
യുഡിഎഫിന്റെ സെക്രട്ടേറിയറ്റ് വളയൽ സമരത്തിൽ സംഘർഷം; സമരക്കാരും പൊലീസും ഏറ്റുമുട്ടി; പൊലീസ് സമരം പൊളിക്കാനുള്ള ശ്രമമാണെന്ന് ആരോപണം
RELATED ARTICLES