കൗണ്സില് യോഗത്തിനുശേഷം ദേഹാസ്വാസ്ഥ്യം അനുഭവപ്പെട്ടതിനെ തുടര്ന്ന് ആശുപത്രിയില് പ്രവേശിപ്പിച്ച സിപിഎം കൗണ്സിലര് മരിച്ചു.കായംകുളം നഗരസഭ വാര്ഡ് 12 ലെ സിപിഎം കൗണ്സിലര് എരുവ വല്ലാറ്റൂര് വീട്ടില് വി.എസ്. അജയന് (52 )ആണ് മരിച്ചത്. വ്യാഴാഴ്ച പുലര്ച്ചെയായിരുന്നു അന്ത്യം.
പ്രൈവറ്റ് ബസ് സ്റ്റാന്ഡിന് സ്ഥലമെടുപ്പുമായി ബന്ധപ്പെട്ട് ബുധനാഴ്ച കായംകുളം നഗരസഭയില് ഭരണ -പ്രതിപക്ഷ അംഗങ്ങള് തമ്മില് സംഘര്ഷം നടന്നിരുന്നു. ഇതില് ഭരണപക്ഷത്തെ ആറ് എല്ഡിഎഫ് അംഗങ്ങള്ക്കും പ്രതിപക്ഷത്തെ രണ്ട് യുഡിഎഫ് അംഗങ്ങള്ക്കും പരിക്കേറ്റിരുന്നു. കൗണ്സില് യോഗം പിരിച്ചുവിട്ടശേഷം എല്ഡിഎഫ് നടത്തിയ പ്രകടനത്തിനിടെ അജയന് ശാരീരിക അസ്വാസ്ഥ്യം അനുഭവപ്പെടുകയും ഇദ്ദേഹത്തെ ഉടന് തന്നെ എല്ഡിഎഫ് കൗണ്സിലര്മാര് ചേര്ന്ന് കായംകുളം താലൂക്കാശുപത്രിയിലും പിന്നീട് പരുമലയിലെ സ്വകാര്യ ആശുപത്രിയിലും പ്രവേശിപ്പിച്ചിരിക്കുകയായിരുന്നു .