കോഴിക്കോട് മെഡിക്കല് കോളജ് ഐസിയുവില് യുവതിയെ പീഡിപ്പിച്ച കേസിലെ പ്രതി ശശീന്ദ്രനെ കോടതി രണ്ട് ദിവസത്ത പൊലീസ് കസ്റ്റഡിയില് വിട്ടു. പ്രതിയുമായി അന്വേഷണ സംഘം ഇന്ന് തെളിവെടുപ്പ് നടത്തും. പീഡനത്തിനിരയായ യുവതിയുടെ പരാതി പിന്വലിപ്പിക്കാന് ശ്രമിച്ച കേസിലെ പ്രതികളായ ജീവനക്കാര് ഒളിവിലാണ്. ഈ ജീവനക്കാര്ക്കെതിരെ മൊഴി നല്കിയവരെ എന്ജിഒ യൂണിയന് നേതാവ് ഭീഷണിപ്പെടുത്തിയെന്ന പരാതിയില് അഞ്ചംഗ സമിതി ഇന്ന് പ്രിന്സിപ്പലിന് റിപ്പോര്ട്ട് നല്കും. കോഴിക്കോട് മെഡിക്കല് കോളജിലെ സര്ജിക്കല് ഐസിയുവില് വച്ച് തൈറോയ്ഡ് ശസ്ത്രക്രിയ നടത്തിയ യുവതിയായിരുന്നു പീഡനത്തിനിരയായത്. സംഭവത്തില് പ്രതിയായ ഗ്രേഡ് വണ് അറ്റന്ഡന്റ് ശശീന്ദ്രനെ കുന്ദമംഗലം മജിസ്ട്രേട്ട് കോടതി റിമാന്ഡ് ചെയ്തിരുന്നു. ഇന്ന് തെളിവെടുപ്പിന്റെ ഭാഗമായാണ് പ്രതിയെ അന്വേഷണ സംഘം കസ്റ്റഡിയില് വാങ്ങിയത്. ഇയാളെ മെഡിക്കല് കോളജിലെത്തിച്ച് ഇന്ന് തെളിവെടുപ്പ് നടത്തും.
കോഴിക്കോട് മെഡിക്കല് കോളേജിലെ പീഡനം; പ്രതി ശശീന്ദ്രനെ രണ്ട് ദിവസത്ത പൊലീസ് കസ്റ്റഡിയില് വിട്ടു; മെഡിക്കൽ കോളേജിൽ എത്തിച്ച് തെളിവെടുപ്പ് നടത്തും
RELATED ARTICLES