മുഖത്തിന് താൽക്കാലികമായി കോടല് ഉണ്ടാക്കുന്ന ബെല്സ് പാൾസി എന്ന രോഗം ബാധിച്ച പ്രമുഖ നടനും അവതാരകനുമായ മിഥുൻ ആശുപത്രിയിൽ ചികിത്സ തേടി. തിരുവനന്തപുരം അനന്തപുരി ആശുപത്രിയില് അഡ്മിറ്റ് ആയ വിവരം മിഥുൻ തന്നെയാണ് സമൂഹമാധ്യമത്തിലൂടെ പങ്കുവച്ചത്. ”വിജയകരമായി അങ്ങനെ ആശുപത്രിയില് കയറി. കഴിഞ്ഞകുറച്ചു ദിവസങ്ങളായി യാത്രകള് ആയിരുന്നു. നിങ്ങള്ക്ക് ഇപ്പോള് കാണുന്നുണ്ടോ എന്ന് എനിക്ക് അറിയില്ല. എനിക്ക് ബെല്സ് പാള്സി ചെറുതായി ബാധിച്ചിട്ടുണ്ട്. ജസ്റ്റിന് ബീബറിന് ഒക്കെ വന്ന അസുഖമാണ്. ചിരിക്കുന്ന സമയം മുഖത്തിന്റെ ഒരു സൈഡ് അനക്കാന് ആകില്ല, കണ്ണുകള് താനേ അടഞ്ഞു പോകുന്ന അവസ്ഥ. ഒരു കണ്ണ് അടയും. മറ്റേ കണ്ണ് വളരെ ഫോഴ്സ് ചെയ്താൽ മാത്രമാണ് അടയുക. രണ്ടുകണ്ണും ഒരുമിച്ച് അടയ്ക്കാൻ കുറച്ചു പാടുണ്ട്. മുഖത്തിന്റെ ഒരു സൈഡ് പാർഷ്യൽ പാരാലിസിസ് എന്ന രീതിയിൽ എത്തിയിട്ടുണ്ട്. അസുഖം മാറും എന്നാണ് പറഞ്ഞത്. തിരുവനന്തപുരം അനന്തപുരി ആശുപത്രിയിൽ അഡ്മിറ്റ് ആയിട്ടുണ്ട്”- മിഥുൻ പറഞ്ഞു.
മുഖത്തിന്റെ ഒരു വശത്തെ പേശികൾക്ക് പെട്ടെന്ന് തളർച്ചയുണ്ടാകുന്ന അവസ്ഥയാണ് ബെൽസ് പാൾസി. മിക്ക കേസുകളിലും ഈ ബലഹീനത താത്കാലികമാണ്. ഫിസിയോ തെറാപ്പിയുടെ സഹായം കൊണ്ട് ഏതാനും ദിവസങ്ങൾ കൊണ്ടോ ആഴ്ചകൾ കൊണ്ടോ അസുഖം പൂർണ്ണമായും മാറും.#