മസാല ബോണ്ട് കേസില് ഡോ. ടിഎം തോമസ് ഐസക്കിന് താത്കാലിക ആശ്വാസം. തല്സ്ഥിതി തുടരാന് ജസ്റ്റിസ് ടിആര് രവി നിര്ദേശിച്ചു. വെള്ളിയാഴ്ച വരെ നടപടി പാടില്ലെന്ന് ഹൈക്കോടതി. ഇഡിയുടെ മറുപടിക്കായി ഹര്ജി മാറ്റി. ഈ മാസം രണ്ടിന് ഹാജരാകാന് ആവശ്യപ്പെട്ട് ഇഡി നോട്ടീസ് അയച്ചിരുന്നു. എട്ടാം തവണയാണ് ഇഡി നോട്ടീസ് അയക്കുന്നത്. കൊച്ചിയിലെ ഇഡി ഓഫീസില് ഹാജരാകാനാണ് നിര്ദേശിച്ചിരുന്നത്. ഇ.ഡി സമന്സ് ചോദ്യം ചെയ്ത് നേരത്തെ തോമസ് ഐസക്ക് ഹൈക്കോടതിയെ സമീപിച്ചിരുന്നു. എന്നാല് സമന്സ് സ്റ്റേ ചെയ്യണമെന്ന ആവശ്യം തള്ളിയിരുന്നു. ഇടക്കാല ഉത്തരവ് പുറപ്പെടുവിക്കില്ലെന്ന് ഹൈക്കോടതി വ്യക്തമാക്കി. ഇഡിക്ക് മുന്നില് ഹാജരാകുന്നതില് തടസമെന്താണെന്ന് തോമസ് ഐസകിനോട് ഹൈക്കോടതി ചോദിച്ചിരുന്നു.
മസാല ബോണ്ട് കേസ്; തോമസ് ഐസക്കിന് താത്കാലിക ആശ്വാസം; വെള്ളിയാഴ്ച വരെ നടപടി പാടില്ല
RELATED ARTICLES