ദൈവത്തില് നിന്നും പൂര്ണമായകന്ന് പിശാചിന്റെ മാന്ത്രിക വലയത്തില്പ്പെട്ട് മനുഷ്യക്കുരുതിയുമായി ആഫ്രിക്കന് രാജ്യങ്ങള്. അന്ധവിശ്വാസങ്ങളും മന്ത്രവാദവും അരങ്ങുവാഴുന്ന ആഫ്രിക്കയില് വീണ്ടും മനുഷ്യമനഃസാക്ഷിയെ ഞെട്ടിക്കുന്ന കൊലപാതകം. തെക്കുപടിഞ്ഞാറന് ടാന്സാനിയയില് അന്ധവിശ്വാസത്തിന്റെ പേരില് ആറു കുട്ടികളെ ക്രൂരമായി കൊലപ്പെടുത്തി. ഇവരുടെ അവയവങ്ങള് പലതും മുറിച്ചു മാറ്റിയ നിലയിലാണ് മൃതദേഹങ്ങള് കണ്ടെത്തിയത്.
കഴിഞ്ഞ ഡിസംബറില് ജോംബെയില് നിന്ന് കാണാതായ പത്തു കുട്ടികളില് രണ്ടിനും ഒമ്ബതിനും ഇടയില് പ്രായമുള്ള ആറു പേരെയാണ് കൊല്ലപ്പെട്ട നിലയില് കണ്ടെത്തിയത്. ഇവരുടെ പല്ലുകള് പറിച്ചെടുത്തും കാതുകള് ഉള്പ്പെടെ പല അവയവങ്ങള് മുറിച്ചെടുത്ത നിലയിലുമായിരുന്നു. സംഭവവുമായി ബന്ധപ്പെട്ട് കുട്ടികളില് ഒരാളുടെ ബന്ധുവിനെ പോലീസ് കസ്റ്റഡിയിലെടുത്തു.