അനധികൃത സ്വത്ത് സമ്പാദന കേസുമായി ബന്ധപ്പെട്ട് തൊഴില്‍വകുപ്പ് അഡീഷണല്‍ ചീഫ് സെക്രട്ടറി ടോം ജോസിനെ വിജിലന്‍സ് ചോദ്യം ചെയ്യുന്നു. കൊച്ചിയിലെ വിജിലന്‍സ് ഓഫീസില്‍ വിളിച്ചു വരുത്തിയാണ് വിജിലന്‍സ് സംഘം ടോമിനെ ചോദ്യം ചെയ്യുന്നത്. വിജിലന്‍സിന്റെ സ്‌പെഷ്യല്‍ സെല്ലിലേക്കാണ് ടോം ജോസിനെ ഇപ്പോള്‍ വിളിച്ചുവരുത്തിയിരിക്കുന്നത്. വിശദമായ രേഖകളുമായി ഹാജരാകാനാണ് അദ്ദേഹത്തോട് നിര്‍ദേശിച്ചിരുന്നത്.
അന്വേഷണം അവസാന ഘട്ടത്തിലായതിനാലാണ് നേരിട്ട് വിവരങ്ങളറിയാന്‍ ടോം ജോസിനെ വിളിച്ചുവരുത്തിയത്. ടോം ജോസിന്റെ സാമ്പത്തിക ഇടപാടുകളില്‍ വന്‍ ക്രമക്കേടുണ്ടെന്നാണ് വിജിലന്‍സിന്റെ കണ്ടെത്തല്‍. അന്വേഷണത്തെ ബാധിക്കാതിരിക്കാന്‍ ടോം ജോസിനെ സര്‍വീസില്‍ നിന്നും മാറ്റിനിര്‍ത്തണമെന്നും വിജിലന്‍സ് ആവശ്യപ്പെട്ടിരുന്നു.
കൂടുതൽ വാർത്തകൾക്കായി സന്ദർശിക്കൂ:
www.v4vartha.com
