ജയ്പൂര് : ഊമയും ബധിരയുമായ രണ്ടരവയസ്സുകാരിയെ ക്രൂരമായി പീഡിപ്പിച്ച കേസിൽ മധ്യ വയസ്കനെ പൊലീസ് അറസ്റ്റ് ചെയ്തു. രാജസ്ഥാനിലെ ബില്വാര ഗ്രാമത്തിലെ ശിവനാഥിനെയാണ് ബീംഗഞ്ച് പൊലീസ് അറസ്റ്റ് ചെയ്തത്.
രാത്രി മാതാപിതാക്കളോടൊപ്പം വീട്ടില് കിടന്നുറങ്ങുകയായിരുന്ന രണ്ടര വയസ്സുകാരിയെ തട്ടികൊണ്ടു പോയി പ്രതി വീടിനു സമീപത്തെ ഒഴിഞ്ഞ പ്രദേശത്ത് വച്ച് പീഡിപ്പിക്കുകയായിരുന്നു. പീഡനത്തിനു ശേഷം ഇയാള് കുട്ടിയെ അവിടെ ഉപേക്ഷിച്ച് സമീപത്തെ കെട്ടിടത്തിലെ തറയില് കിടന്നുറങ്ങി.
അടുത്ത ദിവസം രാവിലെ മാത്രമാണ് കുട്ടിയെ കാണാതായ വിവരം മാതാപിതാക്കള് തിരിച്ചറിഞ്ഞത്. ഉടനെ പൊലീസില് വിവരം അറിയിച്ചു. അന്വേഷണത്തില് മാരകമായി മുറിവേറ്റ കുട്ടിയെ വീടിനടുത്തുള്ള ഒഴിഞ്ഞ പ്രദേശത്തു നിന്നും ലഭിച്ചതായി പൊലീസ് പറഞ്ഞു.