കൊറോണ വൈറസ് ബാധ സ്ഥിരീകരിക്കുന്നതിനുള്ള റാപ്പിഡ് ടെസ്റ്റ് സംസ്ഥാനത്ത് ഇന്ന് മുതല് ആരംഭിക്കും. രോഗി മരിച്ചതിന് പിന്നാലെ സമ്പൂര്ണ്ണ അടച്ചിടല് പ്രഖ്യാപിച്ച തിരുവനന്തപുരം ജില്ലയിലെ പോത്തന്കോടാണ് ആദ്യ റാപ്പിഡ് പരിശേോധന നടക്കുന്നത്.
ശശി തരൂര് എംപിയാണ് കൊറോണ രോഗബാധ വേഗത്തിൽ കണ്ടെത്തുവാൻ സഹായിക്കുന്ന റാപ്പിഡ് ടെസ്റ്റ് കിറ്റ് (RT-PCR KIT) കേരളത്തിൽ ആദ്യമായി തിരുവനന്തപുരം ജില്ലയിലെത്തിച്ചത്. മുഖ്യമന്ത്രി പിണറായി വിജയൻ ജില്ലാ മെഡിക്കൽ ഓഫീസറുടെ സാന്നിദ്ധ്യത്തിൽ കിറ്റുകൾ ഇന്നലെ ജില്ലാ കളക്ടർക്ക് കൈമാറി. പൂനെ കേന്ദ്രമായി പ്രവർത്തിക്കുന്ന മൈ ലാബാണ് റാപ്പിഡ് ടെസ്റ്റ് കിറ്റ് നിർമിച്ചിരിക്കുന്നത്.
പോത്തന്കോട് മരിച്ച അബ്ദുള് അസീസിന് എങ്ങനെ രോഗം പകര്ന്നുവെന്ന് കണ്ടെത്താന് ഇതുവരെ സാധിച്ചിട്ടില്ല. ഈ സാഹചര്യത്തില് പോത്തന്കോട് തന്നെ ആദ്യ ഘട്ടത്തില് റാപ്പിഡ് ടെസ്റ്റ് നടത്താന് തീരുമാനിക്കുകയായിരുന്നു.