കൊച്ചി ഇന്ത്യന്‍ സൂപ്പര്‍ ലീഗ് ഫുട്ബാളില്‍ കേരളാ ബ്ളാസ്റ്റേഴ്സിന് കൊല്‍ക്കത്തക്കെതിരെ തോല്‍വി. അവസാന മിനിറ്റില്‍ അടിച്ച ഗോളിലാണ് 3-2ന് ബ്ളാസ്റ്റേഴ്സിനെ കൊല്‍ക്കത്ത തോല്‍പ്പിച്ചത്. അന്‍േറാണിയോ ജെര്‍മെയ്നാണ് കേരളത്തിനുവേണ്ടി രണ്ട് ഗോളടിച്ചത്. മറുവശത്ത് രണ്ട് ഗോളുകള്‍ നേടിയ അരാറ്റയും ഒരു ഗോള്‍ നേടിയ മോഹന്‍രാജും കൊല്‍ക്കത്തയുടെ വിജയം ഉറപ്പിക്കുകയായിരുന്നു.
കൊല്‍ക്കത്തയാണ് കളിയില്‍ ആദ്യമായി ഗോള്‍ നേടിയത്. 29ാം മിനിറ്റില്‍ നല്ലപ്പന്‍ മോഹന്‍രാജായിരുന്നു സ്കോറര്‍. ഇതിന് മറുപടിയായി 42ാം മിനിറ്റില്‍ ലഭിച്ച പെനല്‍റ്റി ജെറമെയ്ന്‍ ഗോളാക്കി മാറ്റി. 84ാം മിനിറ്റില്‍ അറാറ്റ നേടിയ ഗോളില്‍ കൊല്‍ക്കത്ത മുന്നിലെ ത്തിയെങ്കിലും അടുത്ത മിനിറ്റില്‍ ജെറമെയ്ന്‍ ബ്ളാസ്റ്റേഴ്സിന് വേണ്ടി ഗോള്‍ മടക്കി. സമനിലയുമായി കളി അവസാനിക്കുമെന്ന ഘട്ടത്തിലാണ് 90ാം മിനിറ്റില്‍ കൊല്‍ക്കത്ത അറാറ്റ നേടിയ ഗോളില്‍ ജയിച്ചത്. ഇതോടെ എട്ടു പോയിന്റുമായി അവസാന ടീമായി ബ്ളാസ്റ്റേഴ്സ്.
