നായകന്‍ സുനില്‍ ഛേത്രിയുടെ മികവില്‍ എതിരാളികളായ എഫ്സി പുനെ സിറ്റിയെ തോല്‍പ്പിച്ച്‌ ബംഗളൂരു എഫ്സി ഫൈനലില്‍ കടന്നു. ഇന്നലെ ഹോം ഗ്രൗണ്ടില്‍ നടന്ന മല്‍സരത്തില്‍ ഒന്നിനെതിരെ മൂന്നു ഗോളുകള്‍ക്കായിരുന്നു ബംഗളൂരുവിന്റെ വിജയം.
പൂനെയുടെ തട്ടകത്തിലെ ആദ്യപാദ സെമിയില്‍ ഗോള്‍ രഹിത സമനിലയായിരുന്നു. രണ്ടുപാദത്തിലുമായി ബംഗളൂരുവിന് 3-1ന്റെ ആധികാരികജയം. 15 ആം മിനുട്ടില്‍ ചേത്രിയുടെ ഗോളിലൂടെ ബംഗളൂരു ലക്ഷ്യം വ്യക്തമാക്കി. ഉദാന്തയുടെ വേഗവും ഛേത്രിയുടെ മിടുക്കും സമന്വയിച്ചതായിരുന്നു ഗോള്‍. പൂനെയുടെ ഫൈനല്‍ മോഹത്തെ തകര്‍ത്ത, ബംഗളൂരുവിന്റെ വിജയശില്‍പ്പിയായ നായകന്‍ സുനില്‍ ഛേത്രിയാണ് കളിയിലെ കേമന്‍. ചെന്നൈയില്‍ നടക്കുന്ന എഫ്.സി ഗോവ-ചൈന്നൈയിന്‍ എഫ്.സി രണ്ടാംപാദ സെമി വിജയികളാണ് ഫൈനലില്‍ ബംഗളൂരുവിന്റെ എതിരാളി. ഈ മാസം 17 നാണ് ഐഎസ്‌എല്‍ ഫൈനല്‍ നടക്കുക.
