മഴകളിച്ചിട്ടും രാജസ്ഥാന് റോയല്സ് പരാജയപ്പെട്ടു. മഴയെ തുടര്ന്ന്, 12 ഓവറില് 151 റണ്സ് എന്ന പുനര്നിര്ണയിച്ച കൂറ്റന് ലക്ഷ്യത്തിലേക്കു ബാറ്റുവീശിയ രാജസ്ഥാന് നിശ്ചിത ഓവറില് നാലു റണ്സ് അകലെ 146/5 എന്ന സ്കോറില് പോരാട്ടം അവസാനിപ്പിച്ചു. ജോസ് ബട്ലര്(26 പന്തില് 67), ഡാര്സി ഷോര്ട്ട്(25 പന്തില് 44) എന്നിവര് പൊരുതിനോക്കിയെങ്കിലും രാജസ്ഥാനെ ലക്ഷ്യത്തിലെത്തിക്കാനായില്ല. തുടക്കത്തില് കത്തിക്കയറിയ ബട്ലറിനെ വീഴ്ത്തി അമിത് മിശ്രയും തുടര്ച്ചയായി മൂന്നു സിക്സറുകള് പറത്തിയ ഡാര്സി ഷോര്ട്ടിനെ വീഴ്ത്തി ഗ്ലെന് മാക്സ്വെല്ലും മത്സരം ഡല്ഹിക്ക് അനുകൂലമാക്കി. അവസാന ഓവറില് 15 റണ്സാണ് രാജസ്ഥാനു ജയിക്കാന് വേണ്ടിയിരുന്നത്. എന്നാല് ട്രെന്റ് ബോള്ട്ട് എറിഞ്ഞ ഓവറില് ഒരു വിക്കറ്റ് നഷ്ടപ്പെടുത്തി 10 റണ്സ് മാത്രമേ സന്ദര്ശകര്ക്കു നേടാന് കഴിഞ്ഞുള്ളൂ. ആറു പന്തില് 18 റണ്സുമായി കൃഷ്ണപ്പ ഗൗതം പുറത്താകാതെ നിന്നു.
ഐ പി എൽ: മഴയെയും രാജസ്ഥാനെയും തോൽപ്പിച്ച് ഡെയര് ഡെവിള്സിന് നാലു റണ്സ് ജയം
RELATED ARTICLES