ശബരിമല വിഷയത്തില്‍ ബിജെപി ദേശീയ അധ്യക്ഷന്‍ അമിത് ഷായെ തള്ളി എസ്‌എന്‍ഡിപി യോഗം ജനറല്‍ സെക്രട്ടറി വെള്ളാപ്പള്ളി നടേശന്‍.ശബരിമല സമരത്തില്‍ ബിജെപിക്കൊപ്പം എസ്‌എന്‍ഡിപി ഉണ്ടാകില്ല. സമരത്തില്‍ ഭക്തര്‍ക്കൊപ്പം നില്‍ക്കുക എന്നതാണ് നയമെന്നും വെള്ളാപ്പള്ളി പറഞ്ഞു. ശിവഗിരിയില്‍ യതിപൂജ മണ്ഡല മഹായജ്ഞ ചടങ്ങ് ഉദ്ഘാടനം ചെയ്ത് സംസാരിക്കവേയാണ് ശബരിമല വിഷയത്തില്‍ എസ്‌എന്‍ഡിപിയും ബിജെപിയും ഒന്നിച്ച്‌ നിന്ന് പോരാടണമെന്ന് അമിത് ഷാ പറഞ്ഞത്. ഇതിന്പിന്നാലെയാണ് ഇക്കാര്യത്തില്‍ നിലപാട് വ്യക്തമാക്കി വെള്ളാപ്പള്ളി രംഗത്തെത്തിയത്.
സമരത്തില്‍ പങ്കെടുക്കുമെന്ന് അമിത് ഷാ ഉദ്ദേശിച്ചത് ബിഡിജെഎസിനെ ആയിരിക്കും. എസ്‌എന്‍ഡിപി ഭക്തര്‍ക്കൊപ്പമുണ്ട് പക്ഷേ സമരത്തിനില്ല. ശബരിമല വിഷയത്തില്‍ എസ്‌എന്‍ഡിപി പുനപരിശോധന ഹര്‍ജി നല്‍കില്ലെന്നും വെള്ളാപ്പള്ളി വ്യക്തമാക്കി.
