മാധ്യമപ്രവര്ത്തക ജീന് കാരളിനെ അധിക്ഷേപിച്ചെന്ന കേസില് മുന് യുഎസ് പ്രസിഡന്റ് ഡോണള്ഡ് ട്രംപിന് വന് തിരിച്ചടി. 83.3 മില്യണ് ഡോളര് നഷ്ടപരിഹാരം നല്കാന് ന്യൂയോര്ക്ക് കോടതി ഉത്തരവിട്ടു. ഇതില് 18 മില്യണ് ഡോളര് ജീനിന് വരുന്ന മാനഹാനിക്കും വൈകാരിക നഷ്ടത്തിനുമാണ്. ആവര്ത്തിച്ചുള്ള അപകീര്ത്തികരമായ പരാമര്ശങ്ങള്ക്കെതിരായ ശിക്ഷയാണ് ബാക്കി 65 ലക്ഷം രൂപ. വിധി പരിഹാസ്യമെന്നും അപ്പീല് പോകുമെന്നും ട്രംപ് വ്യക്തമാക്കി. കോടതി വിധി ഓരോ സ്ത്രീയുടെയും വിജയമാണെന്നും ഒരു സ്ത്രീയെ താഴെയിറക്കാന് ഭീഷണിപ്പെടുത്തിയവരുടെ തോല്വിയാണിതെന്നും ജീന് പ്രതികരിച്ചു. 2019ലാണ് ഡോണള്ഡ് ട്രംപ് ജീന് കാരളിനെതിരെ അധിക്ഷേപ പരാമര്ശം നടത്തിയത്. നവംബറില് നടക്കുന്ന യുഎസ് പ്രസിഡന്റ് തെരഞ്ഞെടുപ്പില് വിജയിക്കാനുള്ള ട്രംപിന്റെ വഴിയിൽ കേസ് വൻ തിരിച്ചടിയാകും.
മാധ്യമപ്രവര്ത്തകയെ അധിക്ഷേപിച്ചെന്ന കേസില് ട്രംപിന് തിരിച്ചടി; 83 മില്യണ് ഡോളര് നഷ്ടപരിഹാരം നല്കണം
RELATED ARTICLES