കോഴിക്കോട് മെഡിക്കൽ കോളേജിൽ ശസ്ത്രക്രിയ കഴിഞ്ഞ് അർധബോധാവസ്ഥയിലായിരുന്ന യുവതിയെ പീഡിപ്പിച്ച കേസിലെ പ്രതി പിടിയിൽ. വടകര മയ്യന്നൂർ സ്വദേശി ശശിധരനാണ് മെഡിക്കൽ കോളേജ് പോലീസിന്റെ പിടിയിലായത്. മെഡിക്കൽ കോളേജിലെ അറ്റൻഡറാണ് പ്രതി.രണ്ടു ദിവസം മുൻപാണ് തൈറോയ്ഡ് ശസ്ത്രക്രിയ കഴിഞ്ഞ യുവതി അതിക്രമത്തിന് ഇരയായത്. മറ്റൊരു രോഗിയെ പരിചരിക്കാൻ ജീവനക്കാർ പോയ സമയത്തായിരുന്നു അറ്റൻഡർ പീഡിപ്പിച്ചത്. ശസ്ത്രക്രിയക്ക് ശേഷം യുവതിയെ തിയേറ്ററില് നിന്ന് സ്ത്രീകളുടെ സര്ജിക്കല് ഐസിയുവില് പ്രവേശിപ്പിച്ച ശേഷമായിരുന്നു സംഭവം. ശസ്ത്രക്രിയക്ക് ശേഷം മയക്കം പൂര്ണമായും മാറാത്ത അവസ്ഥയിലായിരുന്ന യുവതി പിന്നീടാണ് ബന്ധുക്കളോട് വിവരം പറഞ്ഞത്. തുടര്ന്ന് മെഡിക്കല് കോളേജ് പൊലീസില് പരാതി നല്കുകയായിരുന്നു. ശസ്ത്രക്രിയ കഴിഞ്ഞ് മണിക്കൂറുകള്ക്കുള്ളിലാണ് യുവതി അക്രമത്തിന് ഇരയായത്. സംഭവത്തില് അടിയന്തര അന്വേഷണം നടത്തി നടപടിയെടുക്കാന് നിര്ദേശം നല്കിയതായി ആരോഗ്യമന്ത്രി വീണ ജോര്ജ് പറഞ്ഞു.
കോഴിക്കോട് മെഡിക്കൽ കോളേജിൽ ശസ്ത്രക്രിയ കഴിഞ്ഞ യുവതിയെ പീഡിപ്പിച്ച സംഭവം; പ്രതിയായ ആശുപത്രി അറ്റൻഡർ പിടിയിൽ
RELATED ARTICLES