എൽഎൽബി വിദ്യാർത്ഥിനി മോഫിയ പർവീൻ ആത്മഹത്യ ചെയ്ത സംഭവത്തിൽ ഭർത്താവും കുടുംബവും കസ്റ്റഡിയിൽ. കോതമംഗലത്തെ ബന്ധുവീട്ടിൽ ഒളിവിൽ കഴിയുകയായിരുന്നു ഇവരെ അർധരാത്രിയോടെയാണ് പിടികൂടിയത്. ഭർത്താവ് സുഹൈൽ, ഭർത്താവിന്റെ അച്ഛൻ, അമ്മ എന്നിവർക്കെതിരെയാണ് ആത്മഹത്യാ പ്രേരണ കുറ്റത്തിനാണ് പൊലീസ് കേസെടുത്തിരിക്കുന്നത്. ഭര്ത്താവ് സുഹൈലിനും പൊലീസിനുമെതിരെ ഗുരുതര ആരോപണങ്ങളുമായി മോഫിയയുടെ അച്ഛൻ രംഗത്തെത്തി. മോഫിയ പര്വീണിന് ഭര്ത്താവ് സുഹൈലിന്റെ വീട്ടില് അനുഭവിക്കേണ്ടിവന്നത് ക്രൂര പീഢനമാണെന്ന് അച്ഛൻ ദില്ഷാദ് കെ സലീം പറയുന്നു. ശരീരം മുഴുവന് പച്ചകുത്താനാവശ്യപ്പെട്ട് സുഹൈൽ മോഫിയയെ മര്ദ്ദിച്ചു. സുഹൈല് ലൈഗിക വൈകൃതങ്ങള്ക്കടിമയായിരുന്നു. ഇത് മോഫിയയെ മാനസികമായി തകര്ത്തിയെന്നും സലീം ഏഷ്യാനെറ്റ് ന്യൂസിനോട് പറഞ്ഞു. കുട്ടി സഖാവ് എന്ന് വിളിക്കുന്നയാളും സിഐയും ചേർന്ന് കേസ് ഒതുക്കി തീർക്കാന് ശ്രമിച്ചെന്നും മോഫിയയുടെ അച്ഛൻ പറയുന്നു.
മോഫിയയുടെ ആത്മഹത്യ: ഭർത്താവ് സുഹൈലും കുടുംബവും കസ്റ്റഡിയിൽ; ആത്മഹത്യാ പ്രേരണ കുറ്റം ചുമത്തും; സുഹൈലിനും പൊലീസിനുമെതിരെ ഗുരുതര ആരോപണങ്ങളുമായി മോഫിയയുടെ അച്ഛൻ
RELATED ARTICLES