ചെന്നൈ: ദുരിതം വിതച്ച് ചെന്നൈയില് കനത്ത മഴ. തിങ്കളാഴ്ച രാത്രി തുടങ്ങിയ മഴ ജനജീവിതത്തെ സാരമായി ബാധിച്ചു. റണ്വേയില് വെള്ളം കയറിയതിനേത്തുടര്ന്ന് വിമാനത്താവളം അടച്ചിട്ടു. മൂന്നൂറിലേറെ പേര് വിമാനത്താവളത്തില് കുടുങ്ങി. രക്ഷാപ്രവര്ത്തനത്തിനായി സൈന്യം രംഗത്തിറങ്ങി. നാവിക സേനയും ദേശീയ ദുരന്തനിവാരണ സേനയും രക്ഷാപ്രവര്ത്തനത്തിന് രംഗത്തെത്തിയിട്ടുണ്ട്. ചെന്നൈയിലെ മൃഗശാലയും വെള്ളപ്പൊക്കത്തില് ഒറ്റപ്പെട്ടു.
റെയില്, റോഡ് ഗതാഗതത്തേയും മഴ സാരമായി ബാധിച്ചു. 13 തീവണ്ടികള് റദ്ദാക്കി. ഒറ്റപ്പെട്ടുപോയവരെ സൈന്യം സുരക്ഷിത സ്ഥാനങ്ങളിലേക്ക് എത്തിക്കുന്നുണ്ട്. അഡയാര് നദിക്കരയില് താമസിക്കുന്നവരെ ഒഴിപ്പിച്ചു. ഇതുവരെ 3500 പേരെ സുരക്ഷിത സ്ഥാനങ്ങളിലേക്ക് മാറ്റിയിട്ടുണ്ട്.
താമ്പരം, ഊര്പാക്കം എന്നിവിടങ്ങളിലാണ് സൈന്യം രംഗത്തിറങ്ങി രക്ഷാപ്രവര്ത്തനം തുടങ്ങിയത്.