കേരളത്തിൽ കൊവിഡ് ബാധിച്ച് മൂന്നാമത്തെ മരണം: മരിച്ചത് ചികിത്സയിലായിരുന്ന മാഹി സ്വദേശി

കേരളത്തിൽ കൊവിഡ് ബാധിച്ച് മൂന്നാമത്തെ മരണം. പരിയാരം മെഡിക്കൽകോളേജിൽ ചികിത്സയിലായിരുന്ന ചെറുകല്ലായി സ്വദേശി മഹറൂഫ് (71) ആണ് മരിച്ചത്.വൃക്കരോഗവും ഹൃദ്രോഗവും ഉള്ളയാളായിരുന്നു മഹറൂഫ്. ഇയാൾക്ക്‌ എവിടെ നിന്നാണ് രോഗം ബാധിച്ചതെന്ന കാര്യം വ്യക്തമല്ല.ഇയാൾ നിരവധി പേരുമായി സമ്പർക്കത്തിലേർപ്പെട്ടു എന്നാണ് കരുതുന്നത്. അടുത്തിടപഴകിയ ഇരുപത്തെട്ടുപേരുടെ സാമ്പിളുകൾ പരിശോധനയ്ക്ക് അയച്ചിട്ടുണ്ട്. ഇതിൽ ആർക്കും രോഗം സ്ഥിരീകരിച്ചിട്ടില്ലെന്നാണ് റിപ്പോർട്ട്.