ചലച്ചിത്ര സംവിധായകൻ സിദ്ദിഖ് ഹൃദയാഘാതത്തെ തുടർന്ന് ആശുപത്രിയിൽ; നില ഗുരുതരമെന്നു റിപ്പോർട്ട്

ചലച്ചിത്ര സംവിധായകൻ സിദ്ധിഖിനെ ഹൃദയാഘാതത്തെ തുടർന്ന് ആശുപത്രിയിൽ പ്രവേശിപ്പിച്ചു. കൊച്ചി അമൃത ആശുപത്രിയില്‍ ചികിത്സയിലാണ്. സിദ്ധിഖിന്‍റെ നില ഗുരുതരമാണെന്നാണ് ലഭിക്കുന്ന വിവരം. നിലവിൽ എഗ്മോ സപ്പോർട്ടിലാണ് അദ്ദേഹം ഉള്ളതെന്നും ആശുപത്രി വൃത്തങ്ങൾ അറിയിച്ചു. നാളെ രാവിലെ മെഡിക്കൽ ബോർഡ് യോഗം ചേർന്ന് സിദ്ധിഖിന്റെ ആരോഗ്യ സ്ഥിതി വിലയിരുത്തും. ന്യൂമോണിയ ബാധയും കരൾ രോഗബാധയും മൂലം ചികിത്സയിലായിരുന്നു സിദ്ധിഖ്. അസുഖങ്ങൾ കുറഞ്ഞുവരുന്നതിനിടെയാണ് ഇന്ന് മൂന്നുമണിയോടെ അപ്രതീക്ഷിതമായി ഹൃദയാഘാതം ഉണ്ടായത്.