കൊല്‍ക്കത്ത: ബംഗാളില്‍ തലയറ്റനിലയിൽ രണ്ട് സ്ത്രീകളുടെ മൃതദേഹങ്ങള്‍ കണ്ടെത്തി. ശനിയാഴ്ച രാവിലെ തമ്‌ലുക് പോലീസ് സ്‌റ്റേഷന്‍ പരിധിയില്‍ നിന്ന് 18 വയസുതോന്നിക്കുന്ന സ്ത്രീയുടെ ഉടല്‍ കണ്ടെത്തു. രണ്ടുമണിക്കൂറിനു ശേഷം 60 കിലോമീറ്റര്‍ അകലെയുള്ള നന്ദിഗ്രാമില്‍ അടുത്ത മൃതദേഹവും കണ്ടെത്തി. കുറ്റിക്കാട്ടില്‍ ഉപേക്ഷിക്കപ്പെട്ട നിലയിലാണ് മൃതദേഹങ്ങള്‍ കണ്ടെത്തിയത്.
60 കിലോമീറ്റര്‍ പരിധിക്കുള്ളില്‍ കാണപ്പെട്ട ഉടലുകളിലെ സമാന അടയാളങ്ങളാണ് കാണപ്പെട്ടത്. അതിനാല്‍ സംഭവം നരബലിയാണോയെന്ന സംശയത്തിലാണ് പൊലീസ്. പൂക്കളും ചന്ദനത്തിരികളും കുങ്കുമവുമെല്ലാം ഇരുശരീരങ്ങളിലും കാണപ്പെട്ടിരുന്നു. 48 മണിക്കൂറിനു മുമ്പ് മരണം സംഭവിച്ചതായാണ് പൊലീസിന്റെ പ്രാഥമിക പരിശോധനയില്‍ പറയുന്നത്.
കൂടുതൽ വാർത്തകൾക്കായി സന്ദർശിക്കൂ:
www.v4vartha.com
