മലപ്പുറത്ത് പാലത്തിനടയിൽ നിന്നും 440 വെടിയുണ്ടകൾ കണ്ടെത്തി

കുറ്റിപ്പുറം പാലത്തിനടിയില്‍ സൈന്യം ഉപയോഗിക്കുന്ന 440 വെടിയുണ്ടകള്‍ പൊലീസ് കണ്ടെടുത്തു. കഴിഞ്ഞ ദിവസം ഇതേ സ്ഥലത്തുനിന്നും അഞ്ച് കുഴിബോംബുകള്‍ കണ്ടത്തിയിരുന്നു. ഇതിനുപിന്നാലെയാണ് വെടിയുണ്ടകള്‍ കണ്ടെത്തിയിരിക്കുന്നത്. ചാക്കില്‍ കെട്ടിയ നിലയിലായിരുന്നു വെടിയുണ്ടകള്‍ കണ്ടെടുത്തത്. പൊലീസ് സ്ഥലത്തെത്തി കൂടുതല്‍ പരിശോധന നടത്തുകയാണ്. തിരൂര്‍ ഡിവൈഎസ്പിയുടെ നേതൃത്വത്തിലാണ് പരിശോധന നടത്തുന്നത്.