ജെയ്പൂർ: സ്ത്രീധനം നൽകാത്തതിന് ഭർത്താവും ഭർത്താവിെൻറ സഹോദരന്മാരും മാനഭംഗം ചെയ്ത യുവതിയോടൊപ്പം സെൽഫിയെടുത്ത രാജസ്ഥാൻ വനിതാ കമീഷൻ അംഗം സോമ്യ ഗുർജൻ രാജിവെച്ചു. സംഭവം വിവാദമായതോടെ വനിതാ കമ്മീഷൻ അധ്യക്ഷ ഇവരോട് വിശദീകരണം ആവശ്യപ്പെട്ടിരുന്നു. മാനഭംഗത്തിനിരയായ യുവതിയെ കാണാൻ ബുധനാഴ്ചയാണ് സംസ്ഥാന വനിതാ കമീഷൻ അധ്യക്ഷയായ സുമൻ ശർമയും കമീഷൻ അംഗം സോമ്യ ഗുർജറും വടക്കൻ ജെയ്പൂരിലെ പൊലീസ് സ്റ്റേഷനിലെത്തിയത്. സ്റ്റേഷനിലെത്തിയ സോമ്യ യുവതിക്കൊപ്പം സെൽഫിയെടുത്ത് സോഷ്യൽ മീഡിയയിൽ പോസ്റ്റ് ചെയ്യുകയായിരുന്നു. ഇവരോടൊപ്പം കമീഷൻ അധ്യക്ഷയും സെൽഫിയിൽ മുഖം കാണിച്ചിട്ടുണ്ട്. സംഭവം പുറത്തായതോടെ വൻ വിവാദത്തിനു വഴിവച്ചിരുന്നു.
മുഖ്യമന്ത്രി പി.ആർ.ഒ പണി ചെയ്യേണ്ട കാര്യമില്ല; മാധ്യമങ്ങളെ അവഗണിച്ചിട്ടില്ല; പിണറായി വിജയൻ
കൂടുതൽ വാർത്തകൾക്കായി സന്ദർശിക്കൂ: